इरानका सर्वोच्च नेता खामेनेईलाई मार्ने इजरायलको प्रस्ताव अमेरिकाद्वारा अस्वीकार
प्रकाशित मिति : असार १, २०८२ आईतबार
अमेरिकाले इरानका सर्वोच्च नेता अयातोल्ला अली खामेनेईलाई मार्ने इजरायलको प्रस्तावलाई अस्वीकार गरेको छ ।
अमेरिकी राष्ट्रपति डोनाल्ड ट्रम्पले इजरायलका प्रधानमन्त्री बेंजामिन नेतन्याहुले खामेनेईलाई मार्न गरेको योजनालाई अस्वीकार गरेका हुन ।
यो निर्णयले अमेरिकी प्रशासन इरानसँगको कूटनीतिक समाधानको पक्षमा रहेको नीति र मध्यपूर्वमा थप युद्धबाट टाढा रहन चाहने चाहनालाई प्रकट गरेको छ ।
इजरायलले इरानका परमाणु सुविधाहरू र उच्च अधिकारीहरूलाई लक्षित गर्दै ूराइजिङ लायनू नामक सैन्य कारवाही सुरु गरेको थियो ।
यस क्रममा, इजरायलले खामेनेईलाई मार्ने अवसर पाएको दाबी गरेको थियो । तर, ट्रम्प प्रशासनले यसलाई अस्वीकार गर्दै इरानले अमेरिकी नागरिकलाई मारेका छैन, त्यसैले अमेरिकी नेतृत्वले इरानका नेताहरूलाई लक्षित गर्ने निर्णय गर्ने छैन ।
इजरायलका प्रधानमन्त्री बेंजामिन नेतन्याहुले यस योजनाको अस्वीकारको बारेमा कुनै टिप्पणी गरेका छैनन । इरानले अमेरिकी प्रशासनले इजरायलको सैन्य कारवाहीलाई समर्थन गरेको दावी गरेको छ।
इरानले कुनै प्रकारको प्रतिशोध गर्ने प्रयास गरे भने, अमेरिकी सेनाले तीव्र प्रतिक्रिया दिने चेतावनी दिने अमेरिकाले दिएको छ।
ट्रम्पले इजरायलसँगको सहकार्यलाई ‘रक्षात्मक’ मात्र भनेका छन् । इजरायलको परमाणु सुविधाहरूलाई लक्षित गर्ने कुनै अमेरिकी सैन्य कारवाहीको समर्थन गरेका छैनन ।
यदि इरानले अमेरिकी नागरिकलाई लक्षित गरे भने मात्र अमेरिकी सेनाले प्रतिवाद गर्ने उनले बताएका छन । ट्रम्पको यो निर्णयले अमेरिकी विदेश नीति र मध्यपूर्वमा अमेरिकी हस्तक्षेपको भविष्यलाई नयाँ दिशा दिन सक्छ ।
उनले इरानसँगको कूटनीतिक समाधानको पक्षमा रहेको बताएका छन् । यद्यपि इरानका सर्वोच्च नेता खामेनेईले अमेरिकी प्रस्तावलाई अस्वीकार गरेका छन्।