Follow @khasokhasmag

एनआरएन सम्मेलनमा अमेरिकाबाट प्रतिनिधि छनौटको विरोध


प्रकाशित मिति : आश्विन १६, २०७४ सोमबार

काठमाडौंमा हुने एनआरएन ग्लोबल सम्मेलनमा अमेरिकाबाट प्रतिनिधि छनौटको चर्को विरोध भएको छ । प्रतिनिधि छनौटमा अपनाइएको विधि र प्रकृयाको विरोध भएको हो ।

एनआरएन ग्लोबल सम्मेलनका लागि अमेरिकाबाट १ सय ८१ जना प्रतिनिधिहरुको छनौट गरिएको छ । प्रतिनिधि छनौटका लागि ३ सय ८९ जनाले आवेदन दिएका थिए ।

बाबुराम लामा, राधा पौडेल, प्रिती खत्री, विष्णु शाह, स्वराज खाती, गौरी जोशी, प्रमोद सिटौला र पासाङ लामाको ८ सदस्यीय समितिले प्रतिनिधीहरु छनौट गरेको हो ।

आवेदन समेत नदिएका र सम्मेलनमा सहभागी हुने रुची नभएकाहरुको नाम प्रतिनिधीहरुको सुचीमा राखिएको छ भने सम्मेलनमा उपस्थीति आवश्यक भएका कैयनको नाम सुचीमा समावेश छैन ।

एनआरएन अभियानमा लागेका वा नलागेका केही व्यक्तिका श्रीमान् श्रीमतिकै नाम प्रतिनिधिहरुको सुचीमा राखिएकोमा पनि चर्को विरोध भइरहेको छ ।

साथै प्रतिनिधीमा छनौट कैयन व्यक्ति नेपालबाट माओवादीले लखेटेको भन्दै अमेरिकामा शरणार्थीका रुपमा रहेकाहरु छन्, जुन अमेरिकाबाट सिधा नेपाल आउन समेत पाउँदैनन् । नेपालमा राजनीतिक वा अन्य खतरा रहेको भन्दै एसाइलम गरेकाहरु नेपालमा आउँदा उनीहरुले अमेरिकामा प्राप्त गरेको कानुनी हैसियत समेत जोखिममा पर्नसक्छ ।

प्रतिनिधिहरुको सुची

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com