ट्रम्प र अन्य दाताको सहायता कटौतीले रोजगारी गुमेको भन्दै राष्ट्रसंघका कर्मचारीहरूद्वारा प्रदर्शन
प्रकाशित मिति : बैशाख १८, २०८२ बिहीबार
संयुक्त राष्ट्रका सयौं कर्मचारीहरूले बिहीबार संयुक्त राष्ट्रसंघको युरोपेली मुख्यालय बाहिर अमेरिकी राष्ट्रपति डोनाल्ड ट्रम्प र अन्य दाताहरूबाट भएको ठूलो सहायता कटौतीका कारण रोजगारी गुमेको विरोधमा प्रदर्शन गरे।
स्विट्जरल्यान्डको जेनेभा, जसलाई ‘शान्तिको सहर’ भनिन्छ । जेनेभा मानवीय र कूटनीतिक केन्द्र हो, जहाँ ३०,००० भन्दा बढी मानिसहरू यो क्षेत्रमा कार्यरत छन्।
प्रदर्शनकारीहरूले ‘अब संयुक्त राष्ट्रसंघका कर्मचारीहरूलाई बर्खास्त गर्न रोक्नुहोस् !’, ‘संयुक्त राष्ट्रसंघका कर्मचारीहरू वस्तु होइनन् !’, लेखिएका ब्यानर बोकेर नारा लगाएका हुन् । संयुक्त राष्ट्रसंघका कर्मचारीहरूका अनुसार मे १ मा थाइल्याण्ड र म्यानमारमा पनि साना प्रदर्शनहरू भए।
छोटो अवधिका ठेक्केदारहरू र अन्तर्राष्ट्रिय आप्रवासन संगठन जस्ता एजेन्सीका कर्मचारीहरूलाई बर्खास्तीको सूचना दिइसकिएको छ, र थप हजारौं कर्मचारीहरूको कटौती हुने अपेक्षा छ। विश्व खाद्य कार्यक्रम र संयुक्त राष्ट्र शरणार्थी एजेन्सी जस्ता स्वैच्छिक कोषमा निर्भर एजेन्सीहरूमा सबैभन्दा ठूलो कटौती हुने अनुमान छ।
मानव अधिकार वकिल एन क्युपर्स, जसको संयुक्त राष्ट्र मानव अधिकार कार्यालयमा अस्थायी करार नवीकरण गरिएन । उनले भने, ‘उनीहरूले मलाई राख्ने प्रयास गरे, तर यो असम्भव थियो। अहिले भर्ना रोकिएको छ, बजेट छैन।’
अन्तर्राष्ट्रिय श्रम संगठन कर्मचारी युनियनकी अध्यक्ष सेभरिन डेबूसले जनवरीदेखि २५० जना कर्मचारी बर्खास्त भएको बताइन्। ‘हामी हराएको महसुस गर्छौं। यहाँ कुनै वास्तविक सुरक्षा जाल छैन’, उनले थपिन्,’ केही कर्मचारीले स्विस बेरोजगारी लाभ नपाएको र भिसा सकिने अवस्था रहेको छ।’
संयुक्त राष्ट्र कर्मचारी ग्रेसले सहायता कार्यकर्ताहरूको पक्षमा उभिनु महत्त्वपूर्ण भएको बताइन्। ‘संयुक्त राष्ट्रसंघ अरू सबैको लागि उभिन्छ, तर संयुक्त राष्ट्रसंघका पछाडिका मानिसहरूको लागि कोही उभिँदैन’, उनले भनिन्।