Follow @khasokhasmag

अमेरिकामा नयाँ यात्रा प्रतिबन्ध


प्रकाशित मिति : आश्विन ९, २०७४ सोमबार

संयुक्त राज्य अमेरिकाले उसको विवादास्पद यात्रा प्रतिबन्ध विस्तार गर्दै उत्तर कोरिया, भेनेजुएला र चाडका नागरिकहरुलाई अमेरिका आउनमा कडाइ गरेको छ।

यात्रुगत जुलाइमा सर्वोच्च अदालतको आदेशपछि वाशिङटनको अन्तर्राष्ट्रिय विमानस्थल आइपुगेका यात्रुहरु

ह्वाइट हाउसले नयाँ प्रतिबन्ध विदेशी सरकारले उपलब्ध गराएका सूचनाका आधारमा समीक्षा गरेपछि लगाइएको बताएको छ।

राष्ट्रपति डोनल्ड ट्रम्पले राष्ट्रपतीय घोषणा आइतबार ढिलोगरी जारी गरेका हुन्।

उनले भने, “अमेरिका सुरक्षित बनाउनु मेरो पहिलो प्राथमिकता हो। जो सुरक्षित लाग्दैनन् उनीहरुलाई हामी आउन दिँदैनौं।”

प्रतिबन्ध फुकुवा

भेनेजुएलाका लागि लगाइएको प्रतिबन्ध सरकारी एजेन्सीमा काम गर्ने अधिकारीरुहरु र तिनका परिवार लक्षित रहेको छ।

राष्ट्रपति ट्रम्पले यस अघि प्रतिबन्ध लगाएका छ मुस्लिम मुलुकमध्ये सुडानमाथिको प्रतिबन्ध फुकुवा गरिएको छ।

यात्रा प्रतिबन्ध लगाइएका अरु मुलुकहरु इरान, लिबिया, सिरिया, सोमालिया र यमन हुन् जसलाई ‘मुस्लिम प्रतिबन्ध’को रुपमा लिइएको थियो।

तर उत्तर कोरिया र भेनेजुएला थपिएपछि अब यात्रा प्रतिबन्ध लगाएका सबै मुलुकहरु मुस्लिम बहुल रहेनन्।

प्रतिबन्ध १८ अक्टोबरदेखि कार्यान्वयनमा आउने र अहिले प्रवेशाज्ञा पाइसकेकाहरुमा लागु नहुने ह्वाइट हाउसले जनाएको छ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com