इजरायली सेनाले गरेको हवाई हमलामा हमासका उच्च नेता मारिए
प्रकाशित मिति : चैत्र ९, २०८१ शनिबार
EDITORS NOTE: Graphic content / Palestinians stand above debris after Israeli bombardment in Khan Yunis in the southern Gaza Strip on November 7, 2023, amid continuing battles between Israel and the Palestinian militant group Hamas. (Photo by Mahmud HAMS / AFP)
इजरायलको हवाई हमलामा हमासका एकजना उच्च नेता मारिएका छन ।
गाजा सिटीको दक्षिणी क्षेत्रमा रहेको खान युनिस क्षेत्रमा इजरायलले गरेको आक्रमणमा उच्च राजनीतिक नेता सला अल बर्दाविलको मृत्यु भएको हमासकै अधिकारीले पुष्टि गरेका छन ।
स्थानीयका अनुसार हमलामा बर्दाविलकी श्रीमतीको पनि ज्यान गएको छ । तर इजरायली अधिकारीहरुले भने कुनै प्रतिकृया दिएका छैनन ।
इजरायली सेनाले मंगलबारदेखि गाजामा ठूलो हवाई आक्रमण पुनः सुरु गरेको छ ।
१९ जनवरीमा सुरु भएको युद्धविराम सम्झौतामा हस्ताक्षर गरिएको सहमति र लगभग दुई महिनाको शान्ति अन्त्य गर्न हमासलाई दोषी ठहराउदै इजरायलले गाजामा हमला सुरु गरेको हो ।
तर हमासले भने इजरायली आरोपलाई अस्विकार गरेको छ । हमासले इजरायलमाथि युद्धविराम सम्झौताको उल्लंघन गरेको आरोप लगाएको छ । युद्धविरामलाई कतार, इजिप्ट र अमेरिकाले मध्यस्तता गरि दुबै पक्षले हस्ताक्षर गरेका थिए ।
हमास नियन्त्रित स्वास्थ्य मन्त्रालयले गत २४ घण्टामा गाजा स्ट्रिपको विभिन्न भागमा ३२ प्यालेस्तिनीको मृत्यु भएको बताएको छ ।
इजरायली सेनाले ७ अक्टोबर २०२३ मा हमासले इजरायलमा आक्रमण गरेपछि इजरायलले हमासलाई समाप्त पार्ने अभियान सुरु गरेको थियो ।
हमासको आक्रमणमा १ हजार २०० जना मारिएका थिए । २५१ जना लाई हमास समूहले बन्धक बनाएको थियो ।
त्यसपछि इजराययले गाजामा हमला सुरु गरेपछि अहिलेसमम ४९ हजार ५०० भन्दा बढी प्यालेस्तिनीको मृत्यु भएको हमास नियन्त्रित स्वास्थ्य मन्त्रालयले बताएको छ ।