अमेरिकी संसदको संयुक्त सेसनमा ट्रम्पको सम्बोधन (लाइभ अपडेट)
प्रकाशित मिति : फाल्गुन २०, २०८१ मंगलबार
⬛ १०:५३- ट्रम्पले युक्रेनलाई अमेरिकी समर्थनको दाबी गरे र भने कि उनी त्यहाँ बर्बर द्वन्द्व अन्त्य गर्न अथक प्रयास गरिरहेका छन् ।उनले भने – “यस भयानक र क्रूर द्वन्द्वमा लाखौं युक्रेनी र रुसीहरू अनावश्यक रूपमा मारिएका वा घाइते भएका छन्, जसको कुनै अन्त्य छैन । अमेरिकाले युक्रेनको रक्षालाई समर्थन गर्न कुनै सुरक्षा बिना सयौं बिलियन डलर पठाएको छ ।”
⬛ १०:५२- ट्रम्पले पहिले अ प्रहरी अधिकारीको हत्या गर्ने जो कोहीलाई मृत्युदण्डको सजाय दिन प्रोत्साहित गर्ने कार्यकारी आदेशमा हस्ताक्षर गरेका थिए। मंगलबार राति उनले उक्त कार्यकारी आदेशलाई कानून बनाउन संसदलाई आह्वान गरे।
⬛ १०:५१- ट्रम्पले बालबालिकामा हुने लिंग परिवर्तनलाई प्रतिबन्ध र अपराधीकरण गर्ने विधेयक पारित गर्न संसदलाई आह्वान गरे । उनले बालबालिकाहरूमा हुने लिंग परिवर्तनलाई स्थायी रूपमा प्रतिबन्ध र अपराधीकरण गर्ने विधेयक पारित गर्न र कुनै पनि बच्चा गलत शरीरमा फसेको झूटलाई सदाका लागि अन्त्य गर्न आग्रह गरे। उनले भने – ‘यो ठूलो झुट हो । र अमेरिकाका हरेक बच्चालाई हाम्रो सन्देश हो कि तपाईं सिद्ध हुनुहुन्छ, ठ्याक्कै जसरी परमेश्वरले तपाईंलाई बनाउनुभयो।’
ट्रम्पको सन्देश अभियानको क्रममा उनले लागू गर्ने वाचा गरेको ट्रान्सजेन्डर विरोधी नीतिहरूको विस्तार हो। फेब्रुअरीमा ट्रम्पले ट्रान्सजेन्डर केटीहरू र महिलाहरूलाई महिला खेलकुद टोलीहरूमा प्रतिस्पर्धा गर्न प्रतिबन्ध लगाउने कार्यकारी आदेशमा हस्ताक्षर गरेका थिरउ । पालना नगर्ने विद्यालयहरूले उनीहरूले प्राप्त गर्ने कुनै पनि संघीय कोषलाई खतरामा पार्छन्। यो आदेशले ओलम्पिक वा अन्य खेलकुद कार्यक्रमहरूमा प्रतिस्पर्धा गर्न देशको यात्रा गर्ने खेलाडीहरूको लागि अमेरिकी भिसा नीतिहरूलाई पनि असर गर्छ।
ट्रम्पले जनवरीमा १९ वर्ष भन्दा कम उमेरका ट्रान्सजेन्डरहरूका लागि लिङ्ग पुष्टि गर्ने हेरचाह प्रदायकहरूका लागि संघीय कोष रोक्न अर्को कार्यकारी आदेशमा हस्ताक्षर गरेका थिए । आदेशले यौवन अवरुद्ध गर्ने, हर्मोन थेरापी र शल्य चिकित्सा प्रक्रियाहरूमा प्रतिबन्ध लगाएको थियो । दुई संघीय न्यायाधीशले उक्त आदेशलाई अवरुद्ध गरेका छन्।
⬛ १०:४६- भाषणमा ट्रम्पले ग्रीनल्याण्डलाई उनीहरुले चाहेको खण्डमा अमेरिकामा स्वागत भएको बताए । केही क्षण पछि उनले थपे – ‘मलाई लाग्छ कि हामी यसलाई कुनै न कुनै रूपमा प्राप्त गर्नेछौं। हामी यसलाई प्राप्त गर्न जाँदैछौं।’
⬛ १०:४५- ट्रम्पको भाषण लामो भएपछि कैयन डेमोक्र्याटहरूले हल छाडेका छन् । बर्नी स्यान्डर्सले पनि पहिले नै हल छाडेका थिए । राष्ट्रपति ट्रम्पले सत्तामा फर्किएपछि संसदको संयुक्त सत्रमा गरेको पहिलो सम्बोधन आधिकारिक रूपमा रेकर्डमा भएका यस्ता भाषणहरूमध्ये सबैभन्दा लामो हो। उनले एक घन्टा १५ मिनेट नाघेका छन्, सन् १९९३ मा पूर्व राष्ट्रपति बिल क्लिन्टनको संयुक्त सत्रको सम्बोधनको लम्बाइ यसअघि रेकर्डमा सबैभन्दा लामो थियो। ट्रम्पले २०१७ मा आफ्नो संयुक्त सत्रको भाषणमा बोलेको भन्दा लामो बोलेका छन्, जुन एक घण्टाको मात्र थियो ।
⬛ १०:४२- ट्रम्पले विदेशमन्त्री मार्को रुबियोको प्रशंसा गर्दै उनको नोमिनेशन पारित गर्नका लागि सिनेटमा मतदान गरेकोमा ९९ जना सांसदहरुलाई धन्यवाद दिए । उनको विपक्षमा कुनै मत खसेको थिएन ।
⬛ १०:४०- ट्रम्पले घरेलु जहाज निर्माणलाई प्रवर्द्धन गर्न विशेष कर छुट दिने घोषणा गरेका छन् ।
⬛ १०:३७- ट्रम्पले कानून प्रवर्तन समर्थन, संरक्षण र सम्मानको हकदार भएको बताएका छन् । यद्यपि उनले जनवरी ६ मा मा क्यापिटल दंगाको समयमा पुलिस अधिकारीहरूलाई आक्रमण गरेको अभियोगमा दोषी ठहरिएका वा सामना गर्नेहरूका लागि व्यापक माफी जारी गरेका थिए ।
⬛ १०:३२- ट्रम्पले संसदलाई बाइडेन युगको चिप्स ऐनबाट छुटकारा दिलाउन आव्हान गरेका छन् । ताइवानको अर्धचालक कम्पनीले अमेरिकामा नयाँ लगानीको घोषणा गरेको एक दिन पछि ट्रम्पले संसदलाई बाइडेन प्रशासन अन्तर्गत लागू भएको चिप्स एण्ड साइन्स एक्ट हटाउन आव्हान गरे । यो कानून अमेरिकामा आर्थिक र राष्ट्रिय सुरक्षा दुवै कारणले अर्धचालक चिप निर्माणलाई बढावा दिनको लागि हो । २०२२ मा पारित हुँदा बिलमा महत्वपूर्ण द्विपक्षीय समर्थन थियो।
⬛ १०:२७- अध्यागमन कारवाहीबारे बोल्नै ट्रम्पले यो कारवाही अमेरिकामा नयाँ राष्ट्रपति जत्तिकै आवश्यक रहेको बताए । उनले सीमा सुरक्षा र अध्यागमनलाई सम्बोधन गर्न आफ्नो प्रशासनको कामलाई जोड दिए । जसलाई उनले अमेरिकी इतिहासमा सबैभन्दा व्यापक सीमा र आप्रवासन कारवाही बताएका छन् । सीमा सुरक्षित गर्न कानून बनाउन अमेरिकालाई नयाँ राष्ट्रपति चाहिएकाले आफू निर्वाचित भएको उनले बताए ।
⬛ १०:२०- ट्रम्पले दुई भेनेजुएला आप्रवासीहरूद्वारा मारिएकी १२ वर्षीया बालिका जोसेलिन नुंगारेको सम्मानमा वन्यजन्तु आरक्षण नामकरण गर्ने कार्यकारी आदेशमा हस्ताक्षर गरे। उनकी आमा आज राती विशेष अतिथि छिन् ।
⬛ १०:१४- ट्रम्पले अरु देशले अमेरिकी सामानमा लगाएजस्तै अमेरिका भित्रिने सबै सामानमा पारस्परिक करको नीति लागु गर्ने र यो नीति अप्रिल २ मा सुरु हुने बताए । अप्रिल फुल भएका कारण यो नीति अप्रिल १ मा नभई २ मा सुरु गर्ने उनले बताए । युरोपेली संघ, चीन, ब्राजिल, भारत, मेक्सिको र क्यानडा लगायत अनगिन्ती अन्य राष्ट्रहरूले अमेरिकी सामानमा उच्च शुल्कहरू चार्ज गर्ने उनले बताए । भारतले अमेरिकी गाडीमा १०० प्रतिशतभन्दा बढी शुल्क लिने उनले बताए । अमेरिकी उत्पादनहरूमा चीनको औसत ट्यारिफ चीनको सामानमाथि अमेरिकाले लगाएभन्दा दोब्बर भएको उनले बताए । दक्षिण कोरियाको औसत ट्यारिफ चार गुणा बढी भएको उनले बताए ।
⬛ १०:१३- ट्रम्पले हालै हस्ताक्षर गरेको अहिंसात्मक अपराधको सानातिना अभियोग लगाइएका कागजातविहीन आप्रवासीहरूलाई देश निकाला गर्ने बिलको प्रशंसा गरे । यो बिलले दोषी ठहर भएका नभई अभियोगमात्र लगाइएका कागजातविहीनलाई समेत देशनिकाला गर्न सक्ने प्रावधान समेटेको छ। यो बिल २२ वर्षीया नर्सिङ विद्यार्थी ल्याकेन रिलेको नाममा राखिएको थियो, जो गत वर्ष जर्जियामा कागजातविहीन आप्रवासीद्वारा मारिएकी थिइन्। डकैती, चोरी, लुटपाट वा शप लिफ्टिङको आरोप लागेका कागजातविहीन आप्रवासीहरूलाई हिरासतमा राख्न आवश्यक हुने प्रावधान बिलमा छ।
⬛ १०:०९- विरोध गर्ने संघीय कर्मचारीलाई ट्रम्पले तुरुन्तै पदबाट हटाइने ट्रम्पले चेतावनी दिए । उनको प्रशासनको नीतिहरूको प्रतिरोध गरेमा हटाइने उनले बताए ।
⬛ १०:०८- ‘रमाइलो गर्नुहोस्, म पनि तपाईहरुलाई माया गर्छु,’ ट्रम्पले किसानहरूलाई भने, जसले मेक्सिकोबाट आउने सामानमा अतिरिक्त २५ प्रतिशत शुल्कको कडा विरोध गरेका छन् । विदेशी उत्पादन फोहोर र निरिक्षण नगरिएको हुने भन्दै ट्रम्पले अमेरिकी किसानहरूलाई विदेशी सामानमा लगाइने शुल्कबाट फाइदा हुने ट्रम्पले बताए । ट्रम्पले क्यानाडा र मेक्सिकोबाट आयातमा लक्षित करले उनीहरूलाई फाइदा पुग्ने कुरामा जोड दिँदै अमेरिकी किसानहरूको प्रशंसा गरे। विदेशबाट फोहोर सामानहरु आउँदा तिनीहरूले अमेरिकी किसानहरूलाई हानी गर्ने उनले बताए ।
⬛ १०:०४ – ट्रम्पले चाँडै बजेट सन्तुलनमा ल्याउने दाबी गरेका छन् । तर उनले संसदमा रिपब्लिकनहरूले कर कटौती विस्तार गर्ने र खर्च कटौती गर्ने योजनालाई समर्थन गरेका छन् जसले राष्ट्रको बजेट घाटामा ट्रिलियन थप्नेछ। आफूले २४ वर्षमा कुैले गर्न नसकेको काम गर्न चाहेको संघीय बजेटलाई सन्तुलनमा राख्न चाहेको ट्रम्पले बताए ।
⬛ ९: ५८ – ट्रम्पले कर कटौतीको बारेमा डेमोक्र्याटहरूलाई गाली गरे । यदि उनीहरूले २०१७ को कर कटौती कानून विस्तार गर्ने रिपब्लिकन योजनाहरूलाई समर्थन नगरेमा उनीहरूले फेरि कहिल्यै चुनाव नजित्ने बताए ।
⬛ ९: ५६ – ट्रम्पले आफ्नो भाषणको असाधारण समय एलन मस्क र उनको सरकारको दक्षता विभागको प्रशंसा गर्नमा विताए ।
त्यसपछि राष्ट्रपतिले विभिन्न कार्यक्रमहरू सूचीबद्ध गरेका थिए । विशेष गरी वैदेशिक सहायता सम्बन्धी कार्यक्रमहरू, जुन उनको प्रशासनले समाप्त गरेको छ । कार्यदलले अर्बौंको ठगी फेला पारेको उनले दाबी गरे।
⬛ ९: ५६ -ट्रम्पले टिप्स, ओभरटाइम र सामाजिक सुरक्षा सुविधामा ट्याक्स लगाउन नहुने बताए ।
⬛ ९: ५२ -ट्रम्पले ५ मिलियन डलरमा गोल्डकार्ड छिट्टै सुरु गर्ने घोषणा गरे । यो ग्रिनकार्ड जस्तै हुने तर त्योभन्दा राम्रो र परिष्कृत हुने बताए । ५ मिलियन डलरको लागि विश्वभरका मानिसहरूलाई अमेरिकी नागरिकताको लागि मार्ग किन्नको लागि सबैभन्दा सफल रोजगारी सिर्जना गर्ने अनुमति दिने उनले बताए ।
⬛ ९: ४९ -ट्रम्पले व्यर्थ खर्चलाई रोक्न मुद्रास्फीतिसँग लड्ने उपकरणको रूपमा सरकारी दक्षता विभागलाई औंल्याएका छन् ।
⬛ ९: ४१ – बाइडेनले विशेष गरी अण्डाको मूल्य नियन्त्रणबाट बाहिर जान दिएको र आफूहरुले यसलाई फिर्ता लिन कडा मेहनत गरिरहेका ट्रम्पले बताएका छन् ।
⬛ ९: ४० – ट्रम्पको भाषणको पहिलो करिब २० मिनेट उनी ह्वाइट हाउसमा फर्किएपछि गरेको कामको विवरणमा बिताएका छन्।
⬛ ९: ४० – ट्रम्पले भर्खरै “सरकारी सेन्सरशिप” रोकेका दाबी गरे । उनले अमेरिकामा अभिव्यक्ति स्वतन्त्रता फिर्ता ल्याएका दाबी गरे ।
⬛ ९: ३६ – संसदको संयुक्त सम्बोधन यसअघि पनि विवादित हुँदै आएको थियो । तर पराजित भएको पार्टीप्रति यस्तो तीव्र आक्रोश अरुले कमै व्यक्त गरेका थिए ।
⬛ ९: ३६ – ट्रम्पले फेरि अलास्काको डेनालीलाई माउन्ट म्याककिन्ले नामकरण गर्ने श्रेय लिएका छन् । त्यो परिवर्तनको राज्यका रिपब्लिकन सांसदहरू र डेनालीलाई कायम राख्न चाहने अधिकारीहरूले भने विरोध गरेका छन्।
⬛ ९: ३५ – ट्रम्पले बाइडेन प्रशासनको विद्युतीय सवारीको जनादेश समाप्त गरेको बताएका छन्। बाइडेन प्रशासनले विद्युतीय सवारीबारे कानून लागू गरेको थियो ।
⬛ ९:३३ – ट्रम्पले बाइडेनलाई अमेरिकी इतिहासकै सबैभन्दा खराब राष्ट्रपति भनेका छन् । बाइडेनले सम्बोधनमा प्रायः ट्रम्पको नाम उल्लेख गर्दैनथे ।
⬛ ९:३२ – डेमोक्र्याटहरूले ‘मेडिकेड बचाउनुहोस्’ ‘मेडिकेड सुरक्षित गर्नुहोस्’ ‘भेटेरन्सको रक्षा गर्नुहोस्’ लेखिएको चिन्हहरू समातिरहेका छन्।
⬛ ९:३० – ‘यो हाम्रो राष्ट्रपतिकाल हो । जनताले मलाई काम गर्न चुनेका छन्, र म यो गरिरहेको छु’ – ट्रम्पले भने । राष्ट्रपति बाइडेनले आफ्नो राष्ट्रपतिको पहिलो तीन वर्षको लागि बेवास्ता गरेको सीमाको विषयमा ट्रम्पले जोड दिएका छन् । ट्रम्पले फेरि पदभार ग्रहण गरेपछि गैर कानुनी सिमा क्रसिङ घटेको छ।
⬛ ९:२७ – टेक्सासका डेमोक्र्याट प्रतिनिधि अल ग्रीन राष्ट्रपतिलाई हेलिङ गर्न उभिएपछि केहीबेर सम्बोधनमा अवरोध । सभामुख जोनसनले थप अवरोधहरू निम्त्याउने जो कोहीलाई हटाउन सर्जेन्ट एट आर्म्सलाई निर्देशन दिने बताएका छन्। अर्डर पुनर्स्थापना गर्न भन्दै जोनसनले सार्जेन्ट एट आर्म्सलाई चेम्बरबाट सांसद अल ग्रीनलाई हटाउन निर्देशन दिएका छन् । उनलाई सदनबाट बाहिर निकालिएको छ ।
⬛ ९:२५ -इलिनोय डेमोक्रेटिक सांसदको ब्लेजर मुनि टी शर्टमा लेखिएको छ – ‘कुनै राजा छैन। कुनै कु छैन।’
⬛ ९:२३ – ट्रम्पको दावी – ‘आधुनिक इतिहासमा पहिलो पटक धेरै अमेरिकीहरूले विश्वास गर्छन् कि हाम्रो देश गलत दिशामा भन्दा सही दिशामा अघि बढेको छ।’
⬛ ९:२२ -रिपब्लिकनहरू ट्रम्पको लागि उभिएर उभिएर नारा लगाउँदा रिपब्लिकनहरु भने चुपचाप बसेका छन् ।
⬛ ९:१९ – ट्रम्पले आफ्नो सम्बोधन सुरु गरिसकेका छन् । ट्रम्पको सम्बोधन तोकिएको भन्दा १० मिनेट ढिलो सुरु भएको छ । उनले सुरुमा भनेका छन् – अमेरिका इज ब्याक
⬛ ९:१७- ट्रम्प संसदको संयुक्त सेसनमा सम्बोधनका लागि हलमा आइसकेका छन् । उनले उपस्थीतहरुसँग हात मिलाउँदै अगाडि बढेका थिए । हलमा युएसएको नारा गुञ्जायमान भएको थियो ।
लाइभ अपडेट समाप्त भएको छ । थप समाचारका लागि खसोखासको होमपेजमा जानुहोला ।