अमेरिकाका २ राज्यमा दादुरा संक्रमण बढ्यो, अधिकांश संक्रमित १७ बर्षभन्दा कम उमेरका
प्रकाशित मिति : फाल्गुन ११, २०८१ आईतबार
अमेरिकाका टेक्सास र न्यू मेक्सिकोमा दादुरा (मीजल्स) का बिरामी बढेका छन । ति राज्यहरुमा संक्रमितको संख्या १०० नजिक पुगेको छ । स्वास्थ्य अधिकारीहरुले महामारी हो कि भनेर अनुसन्धान गरिरहेको बताएका छन ।
टेक्सासको राज्य स्वास्थ्य सेवाले पछिल्लो महिनामा राज्यको उत्तर पश्चिमी भाग स्थित साउथ प्लेन्स क्षेत्रमा ९० जनामा दादुराको संक्रमण पुष्टि भएको छ । तीमध्ये कम्तिमा ७७ जना बच्चा र किशोर छन् । उनीहरुको उमेर १७ वर्षभन्दा कम रहेको छ ।
उता न्यू मेक्सिकोका अधिकारीहरूले टेक्साससँगको पूर्वी सिमाना भएका ली काउन्टीमा नौ जना संक्रमित फेला परेका बताएका छन । दादुरा अर्थात मीजल्स एकदमै संक्रामक रोग हो । यसले मृत्युको मुखमा समेत संक्रमितलाई पुराउन सक्छ ।
अमेरिकीमा खोप विरोधी धारणा बढिरहेको समयमा यो महामारीको घटना वाहिर आएको छ । टेक्सासका स्वास्थ्य अधिकारीहरूले कतिपय बच्चाहरुमा देखिएको संक्रमण कम भएपछि अभिभावकहरुले रिर्पोट नगरेको पनि हुन सक्छन भनेर बताएका छन ।
यो सबैभन्दा संक्रमणजन्य रोग हो । ज्वरो, खोकी, पानी आउनु, आँखा चिलाउने लगाएतका लक्षण रहेका छन । मीजल्सको संक्रमणले गर्भवती महिलाहरू र साना बच्चाहरूको अवस्थालाई जटिल बनाउन सक्छ ।
अमेरिकाका अधिकांश बच्चाहरूले मीजल्सको विरुद्ध दुई डोज खोप लगाएका छन । जसले मीजल्सबाट ९७ प्रतिशत प्रभावकारी सुरक्षा प्रदान गर्ने अमेरिकी रोग नियन्त्रण र रोकथाम केन्द्रले बताएको छ ।
स्वास्थ्य विशेषज्ञहरूले यदि सही ढंगबाट खोप लगाइयो भने यो रोग निमूल गर्न सकिन्छ । समुदायका ९५ प्रतिशत मानिसहरूले दादुरा अर्थात मीजल्सको खोप लगाएत भने संक्रमणलाई निमूल गर्न सकिने चिकित्सकहरुले बताउदै आएका छन ।
अमेरिकाका बच्चाहरूले १९६३ देखि मीजल्स विरुद्धको खोप लगाएका छन् । यो खोपलाई दश वर्ष पछि मम्प्स र रूबेला भाइरसका लागि खोपसँग मिलाएर दिन थालिएको हो ।
खोप अभियान सुरुहुनु अघि ४८ हजार भन्दा बढी मानिस प्रत्येक वर्ष मीजल्सका कारण अस्पतालमा भर्ना हुने गरेका थिए ।
ति मध्ये ५ सय जनाको यहि रोगका कारण मृत्यु हुने गरेको थियो । सन २०२४ मा अमेरिकामा २८५ संक्रमित बिरामी भेटिएका छन । ति मध्ये ११४ अस्पताल भर्ना भएका छन् ।