युक्रेनी राष्ट्रपति जेलेन्स्की ‘तानाशाह’ भएको ट्रम्पको आरोप, ट्रम्प भन्छन् -‘यो सुरु गर्न नपर्ने युद्ध थियो’
प्रकाशित मिति : फाल्गुन ७, २०८१ बुधबार
राष्ट्रपति ट्रम्पले युक्रेनी राष्ट्रपति भोलोडिमिर जेलेन्स्कीलाई ‘तानाशाह’ भनेका छन् । युक्रेनी राष्ट्रपतिले ट्रम्प रुसी गलत सूचनाको ‘सर्कल’मा बसेको बताएपछि राष्ट्रपति ट्रम्पले भोलोडिमिर जेलेन्स्कीलाई ‘तानाशाह’ भनेका थिए।
युक्रेनका राष्ट्रपति भोलोडिमिर जेलेन्स्की र राष्ट्रपति ट्रम्पबीचको द्वन्द्व बुधवार बढेको छ । जेलेन्स्कीले अमेरिकी नेता रुसबाट विकृत सूचनाको जालमा फसेको बताएपछि ट्रम्पले
जेलेन्स्कीलाई “चुनाव बिनाको तानाशाह” भनेर खिल्ली उडाएका हुन् ।
अमेरिका र रुसका अधिकारीहरूले युक्रेन सरकारलाई सहभागी नगराई युक्रेनमा लडाइँ अन्त्य गर्नेबारे वार्ता सुरु एक दिन पछि यो भनाभन आएको हो। साउदी अरेबियामा भएको बैठकपछि ट्रम्पले युक्रेनले युद्ध सुरु गरेको बताएका थिए । जुन टिप्पणीले बुधवार बिहान जेलेन्स्कीबाट कडा खण्डन आएको थियो ।
एक सामान्यरुपमा सफल हास्य कलाकार भोलोडिमिर जेलेन्स्कीले अमेरिकालाई ३५० बिलियन डलर खर्च गर्न, जित्न नसकिने युद्धमा जानको लागि कुरा गरेको ट्रम्पले सामाजिक सञ्जालमा पोष्ट गरेका छन् । जुन युद्ध कहिल्यै सुरु गर्नुनपर्ने रहेको साथै अमेरिका र ट्रम्प बिना कहिल्यै समाधान गर्न सक्षम नहुने ट्रम्पले सामाजिक सञ्जालमा लेखेका छन् ।
वास्तवमा अमेरिकाले युक्रेनलाई सहायताको लागि ११९ बिलियन डलर छुट्याएको छ । ट्रम्पले भनेजस्तो ३५० बिलियन डलर भने होइन । ट्रम्पले युक्रेनको भविष्यको सुरक्षा अमेरिकी समस्या नहुने बताएका छन् । यो युद्ध अमेरिकाका लागि भन्दा युरोपको लागि धेरै महत्त्वपूर्ण रहेको तथा अमेरिका र युरोपलाई छुट्याउने ठूलो, सुन्दर महासागर रहेको ट्रम्पले बताएका छन् ।
ट्रम्पको पछिल्लो टिप्पणीले उनले मंगलबार लगाएका यस्तै आरोपपूर्ण बयानहरू दोहोराएको छ । ट्रम्पले युक्रेनले युद्ध कहिल्यै सुरु गर्नुनपर्ने युद्ध भएको बताएका थिए । साथै युक्रेनले चुनाव गराउनुपर्ने रुसी मागलाई ट्रम्पले पनि समर्थन गरेको देखिन्छ। फेब्रुअरी २०२२ मा रूसको आक्रमण पछि मार्शल कानून अन्तर्गत चुनावहरू निलम्बित गरिएको थियो।