अमेरिकासँग वार्ता गर्न रुसले वार्ता टोली बनाउने
प्रकाशित मिति : फाल्गुन १, २०८१ बिहीबार
रूसले अमेरिकासँग वार्ताका लागि वार्ता टोली गठन गर्ने भएको छ ।
अमेरिकासँग वार्ताका लागि वार्ता टोली तयार गर्न थालेको रूसका प्रवक्ता दिमित्री पेस्कोभले बताएका हुन ।
प्रवक्ता पेस्कोभल युक्रेनको अवस्थालगायत अमेरिकासँग आगामी वार्ताका लागि प्रतिनिधिमण्डल गठन गर्ने प्रयास भइरहेको पुष्टि गरेका छन ।
उनले रूसी राष्ट्रपति भ्लादिमिर पुटिन र अमेरिकी राष्ट्रपति डोनाल्ड ट्रम्पबीच तत्काल बैठक आयोजना गर्न क्रेमलिनले आवश्यक ठानेको बताए ।
उनले भने, “यस्तो बैठक चाँडै हुन जरुरी छ । राष्ट्रप्रमुखले धेरै कुरा गर्नुपर्छ । एजेन्डामा धेरै विषयहरू छन्, जुन टेलिफोन कुराकानीको क्रममा संक्षिप्त रूपमा समावेश गरिएको थियो।”
यद्यपि, कुनै मिति तोक्न अझै हतार हुने बताउँदै उनले आगामी दिनमा यस्तो बैठक आयोजना गर्ने तयारी सुरु हुने बताए ।
युक्रेनका विषयमा अहिलेसम्म कुनै ठोस वार्ता नभएको पनि स्पष्ट उनले गरेका छन ।
राष्ट्रप्रमुखहरूको राजनीतिक इच्छा व्यक्त भएपछि नेता पुटिन र अमेरिकी राष्ट्रपतिबीच छलफलपछि वार्ता टोली बनाउन निर्देशनहरू दिइएको छ ।
पुटिन र ट्रम्पबीच भएको टेलिफोन वार्तामा युक्रेनको अवस्था, द्वन्द्वको शान्तिपूर्ण समाधान, मध्यपूर्व र द्विपक्षीय आर्थिक सम्बन्धलगायत विषयमा छलफल भएको क्रेमलिनले जनाएको छ ।