अमेरिकाले स्टिल र आल्मुनियम आयातमा २५ प्रतिशत कर लगाउने
प्रकाशित मिति : माघ २८, २०८१ सोमबार
President Donald Trump speaks before signing the Laken Riley Act in the East Room of the White House, Wednesday, Jan. 29, 2025, in Washington.(AP Photo/Evan Vucci)
अमेरिकाले स्टिल र आल्मुनियमको आयातमा २५ प्रतिशत कर लगाउने राष्ट्रपति डोनाल्ड ट्रम्पले घोषणा गरेका छन ।
राष्ट्रपति डोनाल्ड ट्रम्पले अमेरिकाले यस हप्ता स्टिल र आल्मुनियम आयातमा २५ प्रतिशत भन्सार लगाउने बताएका हुन । उनले गरेको यो घोषणा व्यापार करहरूको पछिल्लो शृङ्खला हो ।
पत्रकारहरूसँग कुरा गर्दै ट्रम्पले सोमबार घोषणा गरिने भन्सार अमेरिकामा आउने कुनै पनि स्टिल’ मा लागू हुने र यसले एलुमिनियमलाई पनि प्रभाव पार्ने बताए ।
सन् २०१७–२०२१ को राष्ट्रपति कार्यकालमा अमेरिकी उद्योगको सुरक्षाका लागि ट्रम्पले यस्तै शुल्क लगाएका थिए । यसलाई उनले एसियाली र युरोपेली देशहरूबाट अनुचित प्रतिस्पर्धाको सामना गर्नुपरेको विश्वास गरेका छन ।
अमेरिकी व्यापार तथ्याङ्कअनुसार क्यानाडा अमेरिकामा स्टिल र आल्मुनियम आयातको सबैभन्दा ठूलो स्रोत हो ।
ब्राजिल, मेक्सिको र दक्षिण कोरिया पनि देशका प्रमुख स्टिल आपूर्तिकर्ता हुन् । क्यानाडालाई ट्रम्पले पहिले नै भन्सारको धम्की दिइसकेका छन ।
रिपब्लिकन अर्बपति ट्रम्पले अन्य देशहरूले अमेरिकी उत्पादनहरूमा लगाएको दरसँग मिल्ने गरी आफ्नो सरकारको भन्सार बराबर गर्न ‘पारस्परिक भन्सार’ को घोषणा गर्ने दावी गरेका हुन ।
उनले मङ्गलबार वा बुधबार भन्सारको बारेमा विस्तृत घोषणा गर्ने जानकारी दिएका छन ।