अमेरिकाबाट निष्कासित १०४ भारतीय आप्रवासी स्वदेश फिर्ता
प्रकाशित मिति : माघ २३, २०८१ बुधबार
Guatemalan migrants deported from the United States on a U.S. military plane walk down the runway at the Guatemalan Air Force Base in Guatemala City on January 30, 2025. (Photo by JOHAN ORDONEZ / AFP)
संयुक्त राज्य अमेरिकाबाट निष्कासित १०४ जना भारतीय आप्रवासी बोकेको अमेरिकी वायुसेनाको विमान बुधबार भारत आइपुगेको छ। स्थानीय मिडियाहरूका अनुसार, उत्तरी भारतीय सहर अमृतसरस्थित विमानस्थलमा अमेरिकी सैन्य विमान अवतरण गरेको थियो।
अमेरिकी राष्ट्रपति डोनाल्ड ट्रम्पले कार्यभार सम्हालेपछि हजारौँ कागजातविहीन आप्रवासीहरू पक्राउ परेका छन्। तीमध्ये केहीलाई अपराधका आरोपमा समेत कारबाही गरिएको छ।
ट्रम्प प्रशासनका आप्रवासन सुधारसम्बन्धी कार्यकारी आदेशहरूले अनुमानित १ करोड १० लाख कागजातविहीन आप्रवासीलाई असर गर्ने बताइएको छ। नयाँदिल्ली र वासिङ्टन दुवैले यस विषयमा औपचारिक टिप्पणी गरेका छैनन्। तर भारतस्थित अमेरिकी दूतावासका प्रवक्ताले अमेरिकी सरकार गैरकानूनी आप्रवासन रोक्न प्रतिबद्ध रहेको बताएका छन्।