अमेरिकी विदेश मन्त्री रुबियो र भारतीय समकक्षी जयशंकरबीच भेटवार्ता, के भयो कुराकानी ?
प्रकाशित मिति : माघ ९, २०८१ बुधबार
अमेरिकी विदेश मन्त्री मार्को रुबियो र भारतीय विदेश मन्त्री एस जयशंकरबीच भेटवार्ता भएको छ ।
अमेरिकी राष्ट्रपति डोनाल्ड ट्रम्पको दोस्रो कार्यकालमा भारत र अमेरिकाबिचको भएको यो पहिलो द्विपक्षीय वार्ता हो ।
भारतीय विदेश मन्त्री एस जयशंकरले सामाजिक सञ्जालमार्फत अमेरिकी नयाँ विदेश मन्त्री रुबियोसँग भेटघाट गर्न पाउँदा खुसी लागेको बताएका छन् । उनले दुई देशबिचको आपसी साझेदारीको बारेमा छलफल गरिएको समेत जानकारी गराएका छन् ।
भारतीय विदेश मन्त्री एस जयशंकरले एक्समा लेखेका छन्, ‘मार्को रुबियोले अमेरिकी विदेश मन्त्रीको रूपमा पदभार ग्रहण गरेपछि भेट्न पाउँदा खुसी लाग्यो। हामीले दुई देशबिचको आपसी साझेदारीको बारेमा छलफल गर्यौँ ।’
उक्त भेटघाटमा क्षेत्रीय र विश्वव्यापी मुद्दाहरूमा आफ्नो विचार शेयर गरेको समेत उनले बताएका छन् ।