टर्कीको स्की रिसोर्टमा आगलागीमा परी मृत्यु हुनेको संख्या ७६ पुग्यो
प्रकाशित मिति : माघ ९, २०८१ बुधबार
Turkish gendarme stands next to a vehicle at the site of the aftermath of a fire that broke out in a hotel in the Kartalkaya Ski Resort in Bolu, on January 22, 2025. A huge fire killed at least 76 people on January 21, 2025, as it ripped through a hotel at a popular ski resort in northern Turkey that was packed with people enjoying the winter holidays, including families. (Photo by Ozan KOSE / AFP)
टर्कियाको प्रसिद्ध स्की रिसोर्टमा आगलागी हुँदा मृत्यु हुनेको संख्या ७६ पुगेको छ ।
टर्कीको गृह मन्त्रालयका अनुसार आगलागीमा मारिएका सबैको सनाखत हुन सकेको छैन ।
टर्कीका स्वास्थ्यमन्त्री केमाल मामिसोग्लुले दुर्घटनामा ५१ जना घाइते भएको बताएका छन् । तीमध्ये एक जना आईसीयूमा छन् । यसबाहेक अस्पतालबाट १७ जना डिस्चार्ज भएका छन् ।
यो आगो नियन्त्रण गर्न १२ घण्टा लागेको थियो ।
टर्कीका कानुनमन्त्रीले यस मामिलामा ९ जनालाई पक्राउ गरिएको बताएका छन् । पक्राउ पर्नेमा रिसोर्टका मालिक पनि छन् ।
स्थानीय समय अनुसार मंगलबार बिहान ३.२७ बजे बोलुस्थित १२ तले ग्राण्ड कार्टेल रिसोर्टमा आगलागी भएको हो । होटलमा २३४ जना बसेका थिए ।
बोलु टर्कीको राजधानी अंकाराबाट १७० किलोमिटर उत्तरपश्चिममा अवस्थित छ।