ओपनएआईका प्रमुख अल्टम्यानविरुद्ध आफनै बहिनीले दिइन् यौन दुर्व्यवहारको मुद्धा
प्रकाशित मिति : पुस २४, २०८१ बुधबार
ओपनएआईका प्रमुख कार्यकारी साम अल्टम्यानविरुद्ध यौन दुर्व्यवहारको आरोपमा मुद्धा दायर भएको छ ।
अल्टम्यानविरुद्ध उनकी बहिनीले यौन दुर्व्यवहारको आरोप लगाउँदै मुद्दा दायर गरेकी हुन ।
अल्टम्यानकी बहिनी एन् अल्टम्यानले उनलाई १९९७ देखि २००६ सम्म नियमित रूपमा यौन दुर्व्यवहार गरेको आरोप लगाउँदै मुद्दा दायर गरेकी छिन् ।
यो मुद्दा २०२५ जनवरी ६ मा अमेरिकाको मिसौरीको पूर्वी जिल्ला अदालतमा दायर गरिएको हो ।
दुर्व्यवहारको सुरुवात तब भयो, जब एन् अल्टम्यान ३ वर्षकी थिइन् र साम अल्टम्यान १२ वर्षका थिए मुद्दामा उल्लेख गरिएको छ ।
साम अल्टम्यानले आफ्नी आमा र दुई भाइसँग मिलेर सामाजिक सञ्जाल प्लेटफर्म X मा संयुक्त बयान जारी गर्दै यी आरोपहरूलाई पूर्ण रूपमा असत्य भनेका छन् ।
“मानसिक स्वास्थ्य चुनौतीहरूसँग जुधिरहेका परिवारका सदस्यहरूको हेरचाह गर्न निकै कठिन छ, बयानमा भनिएको छ । यो स्थिति हाम्रो सम्पूर्ण परिवारका लागि गम्भीर पीडा दिनेछ उनले भनेका छन।”
एन् अल्टम्यानले दुर्व्यवहारका घटना लामो समयसम्म भएका र त्यसमा बलात्कार समेत समावेश भएको दाबी गरेकी छन् ।
उनले दाबी गरेकी छिन् कि अन्तिम घटना साम अल्टम्यान वयस्क भइसकेपछि भएको थियो । तर त्यो समय उनी अझै नाबालिग थिइन् ।
मुद्दामा जूरी परीक्षण र ७५ हजार डलर भन्दा बढी क्षतिपूर्ति माग गरिएको छ ।
एन् अल्टम्यानले यसअघि पनि आफ्नो भाइविरुद्ध सामाजिक सञ्जाल प्लेटफर्म X मा यस्तै आरोपहरू लगाउँदै पोस्ट गरेकी थिइन् ।
साम अल्टम्यान प्रविधि क्षेत्रका अत्यन्त उच्च प्रोफाइल व्यक्तिहरूमध्ये एक मानिन्छन् ।
२०२२ को अन्त्यतिर ओपनएआईले जनरेटिभ आर्टिफिसियल इन्टेलिजेन्स (एआई) च्याटबोट च्याटजीपीटी सार्वजनिक गरेको थियो।