अमेरिकाले नेपाललाई दिने ५० अर्ब सहयोगमा औपचारिक हस्ताक्षर (भिडियो)
प्रकाशित मिति : भाद्र २९, २०७४ बिहीबार
अमेरिकाले नेपाललाई दिने ५ सय मिलियन डलर अर्थात् झण्डै ५० अर्ब नेपाली रुपैया सहयोगमा आज औपचारिक हस्ताक्षर गरिएको छ । अमेरिकी विदेशमन्त्रालयको सन्धी कक्षमा अमेरिकी विदेशमन्त्रालयका डेपुटी सेक्रेटरी जोन सुलिभान र नेपालका अर्थमन्त्री ज्ञानेन्द्र बहादुर कार्कीले हस्ताक्षर गर्नुभएको हो ।
.@MCCgov Acting CEO Jonathan Nash & #Nepal‘s Minister of Finance Karki sign a $500 million compact to spur private investment & econ growth. pic.twitter.com/qf0cNODnnQ
— Department of State (@StateDept) September 14, 2017
हस्ताक्षरका लागि अमेरिकी विदेशमन्त्रालयका डेपुटी सेक्रेटरी जोन सुलिभान र मिलेनियम च्यालेन्ज कर्पोरेशन एमसीसीका कार्यकारी सीईओ जोनाथन नासले नेपालका अर्थमन्त्री ज्ञानेन्द्र बहादुर कार्कीलाई अमेरिकी विदेशमन्त्रालयको सन्धीकक्षमा स्वागत गर्नुभएको थियो । हस्ताक्षर समारोहमा अमेरिकाका लागि नेपाली राजदूत अर्जुनकुमार कार्की र नेपालका लागि अमेरिकी राजदूत अलाइना िबी टेप्लिज लगायतको उपस्थीति रहेको थियो ।
क्षेत्रीयस्तरमा सम्बन्ध विस्तार सुधार गर्न, निजी लगानीलाई प्रोत्साहन दिन, वृद्धिलाई अगाडि बढाउन र गरिबी न्यूनीकरण गर्नका लागि यस्तो सहयोग अमेरिकाले गर्ने भएको हो । यसमा नेपाल सरकारले १३० मिलियन डलर थपेर विकाशको काममा लगाइनेछ जुन मिलेनियम च्यालेन्ज कर्पोरेशनको इतिहासमा नै कुनै एउटा देशका लागि सिधा गरिएको सबैभन्दा ठूलो सहयोग हो ।
