पृथ्वी–अवलोकन गर्न अमेरिका र भारत उपग्रहमा संगसंगै जाने
प्रकाशित मिति : पुस ६, २०८१ शनिबार
अमेरिका र भारतले पृथ्वीको अवलोकन गर्ने उपग्रह प्रक्षेपण गर्ने तयारी गरेका छन । नासा र भारतीय अन्तरिक्ष अनुसन्धान सङ्गठन (इसरो) ले मार्च २०२५ मा शक्तिशाली पृथ्वी–अवलोकन उपग्रह प्रक्षेपण गर्ने लक्ष्य राखेको बताएका छन ।
नासा–इसरो सिंथेटिक अपर्चर रडार (निसार) ले ग्रहको पारिस्थितिक प्रणाली, भूमि र समुद्री बरफ र पृथ्वीमा परिवर्तनहरू मापन गर्न प्रत्येक १२ दिनमा दुई पटक पृथ्वीको लगभग सबै जमिन र बरफको सतहहरू स्क्यान गर्नेछ ।
निसार स्याटेलाइट भारतको दक्षिणपूर्वी तटमा रहेको सतीश धवन स्पेस सेन्टरबाट प्रक्षेपण हुनेछ ।
नासाका अनुसार निसारको अवलोकनले विश्वभरका अन्वेषकहरूलाई ग्रहको सतहमा आइसफिट, हिमनदी र समुन्द्री बरफलगायतका परिवर्तनहरू राम्ररी बुझ्न मद्दत गर्नेछ । यसले मानवतालाई फाइदा पुग्नेछ ।
पृथ्वीको वन र सिमसार पारिस्थितिक प्रणालीमा भएका परिवर्तनहरू साथै भूकम्प, पहिरो र ज्वालामुखी गतिविधिलाई पनि तस्विरमा कैद गर्नेछ ।