रुसका रासायनिक र जैविक सुरक्षा सेनाका प्रमुख मारिए
प्रकाशित मिति : पुस २, २०८१ मंगलबार
रुसको राजधानी मस्कोमा भएको विस्फोटमा जनरल मारिएका छन ।
रूसको विकिरण, रासायनिक तथा जैविक संरक्षण सेनाका प्रमुख लेफ्टिनेन्ट जनरल इगोर किरिलोभ विष्फोटनमा परि मारिएका हुन । उनका सहकर्मीको को पनि दक्षिणपूर्वी मस्कोमा भएको विस्फोटमा मृत्यु भएको छ ।
रुसी अनुसन्धान समितिका प्रवक्ता स्वेतलाना पेट्रेन्कोले विद्युतीय स्कुटरमा राखिएको विष्फोटक पदार्थले विस्फोट गराएको बताए ।
प्रवक्ताका अनुसार अनुसन्धानले डिसेम्बर १७ को बिहान मस्कोको रियाजान्स्की एभिन्यूमा रहेको आवासीय भवनको प्रवेशद्वार नजिकै स्कुटरमा राखिएको विस्फोटक पदार्थ विस्फोट भएको खुलासा गरेको छ ।
रुसको विकिरण तथा रासायनिक र जैविक सुरक्षा सेनाका प्रमुख लेफ्टिनेन्ट जनरल इगोर किरिलोभ र उहाँका सहकर्मी उक्त विस्फोटमा मारिएका रुसले बताएको छ ।
पेट्रेन्कोका अनुसार मस्को विभागले आक्रमणको अनुसन्धान सुरु गरेको छ । हाल अपराधको पछाडिको अवस्थाको अनुसन्धान भइरहेको छ ।
उनी २०१७ मा न्यूक्लियर, बायोलोजिकल, केमिकल डिफेन्स फोर्सेस को प्रमुखमा नियुक्त भएका थिए । युक्रेनी सुरक्षा निकायहरूले युद्धको झण्डै तीन वर्षपछि रुसी उच्च व्यक्तित्वहरूलाई लक्षित गर्ने गतिविधि बढाएको देखिन्छ ।
किरिलोभको मृत्युको केही दिनअघि मात्र मस्कोमा आफ्नो घर नजिकै रूसी हतियार विशेषज्ञ मिखाइल शाट्स्कीको गोली हानी हत्या भएको थियो ।
युक्रेनी सञ्चारमाध्यमका अनुसार शाट्स्कीको हत्या युक्रेनी सैन्य गुप्तचर सेवाले गरेको बताइएको छ ।
रुसी नेभीका वरिष्ठ अधिकारी भलेरी त्रान्कोवस्की र रूसी जेल प्रमुख सेर्गेई येभस्युकोभको पनि रुसद्वारा कब्जा गरिएका युक्रेनी क्षेत्रमा कार बम विस्फोटमा मृत्यु भएको थियो ।
युक्रेनी सुरक्षा सेवा एसबीयू को स्रोतले किरिलोभलाई वैध निशाना भनेका छन् र उनले युद्ध अपराध गरेको आरोप लगाएका छन् ।