ट्रम्पले भने : मेरो मनमा टिकटकको लागि विशेष स्थान छ
प्रकाशित मिति : पुस १, २०८१ सोमबार
अमेरिकी राष्ट्रपतिमा निर्वाचित डोनाल्ड ट्रम्पले टिकटकका सीईओसँग भेटघाट गरेका छन । टिकटकले अमेरिकामा प्रतिबन्ध लगाउने योजनाको सामना गरिरहेको छ ।
सोमबार ट्रम्पले फ्लोरिडास्थित ट्रम्पको निवासमा शाओ जी च्युसँग भेटघाट गरेका छन ।
यस वर्षको सुरुवातमा पारित कानुनअनुसार चिनियाँ कम्पनी बाइटडान्सले जनवरी १९ भन्दा अघि टिकटक बिक्री नगरेमा यसलाई अमेरिकामा प्रतिबन्ध लाग्नेछ ।
कम्पनीले उक्त प्रतिबन्धलाई ढिलाइ गर्नका लागि अमेरिकी सर्वोच्च अदालतमा आपतकालीन निवेदन दिएको छ ।
अमेरिकाले बाइटडान्स र चिनियाँ सरकारबीच सम्बन्ध रहेको आरोपका कारण टिकटकलाई बिक्री गर्न वा प्रतिबन्ध लगाउन खोजेको हो ।
जुन आरोपलाई टिकटक र बाइटडान्स दुवैले अस्वीकार गर्दै आएका छन् ।
अमेरिकी राष्ट्रिय सुरक्षालाई विदेशी प्रतिद्वन्द्वीद्वारा नियन्त्रण गरिएका एपहरूबाट आउने खतराबाट जोगाउने उद्देश्यले प्रतिबन्ध लगाइन लागिएको अधिकारीहरुले बताएका छन ।
ट्रम्प यस प्रतिबन्धको विपक्षमा छन् । यद्यपि आफ्नो पहिलो कार्यकालमा उनले प्रतिबन्धको समर्थन गरेका थिए ।
उनले यो प्रतिबन्धले फेसबुकलाई फाइदा पुर्याउने तर्क दिएका छन् । फेसवुकलाई ट्रम्पले २०२० को चुनावमा आफ्नो हारको कारण मानेका थिए ।
तर ट्रम्पको दोस्रो कार्यकाल जनवरी २० मा सुरु हुनेछ । जुन कानुनमा तोकिएको समयसीमाभन्दा एक दिनपछि हो । यस महिनाको सुरुवातमा संघीय अपील अदालतले टिकटकको प्रतिबन्ध खारेज गर्ने प्रयास अस्वीकृत गरेको थियो ।
ट्रम्पले आफ्नो प्रशासनले टिकटकलाई अध्ययन गर्ने बताए । मेरो मनमा टिकटकको लागि विशेष स्थान छ, किनभने मैले युवामाझ ३४ अङ्कले जितेको थिएँ, उनले भने ।
केही मानिसहरू भन्छन् कि यसमा टिकटकको भूमिका छ । टिकटकले प्रभाव पारेको छ । नोभेम्बरमा १८ देखि २९ वर्ष उमेर समूहका अधिकांशले ट्रम्पको डेमोक्रेटिक प्रतिस्पर्धी कमला ह्यारिसलाई समर्थन गरेका थिए ।
तर २०२० को चुनावको तुलनामा युवा मतदाताहरूमा ट्रम्पतर्फको उल्लेखनीय स्विङ देखिएको थियो ।
जुन महिनामा ट्रम्पले टिकटकमा खाता खोलेका थिए । तर चुनावी अभियानको क्रममा उनले टिकटक प्लेटफर्ममा लाखौँ फलोअरहरू प्राप्त गरेका थिए ।