अमेरिकाको उत्तरपूर्वमा रहस्यमय ड्रोनहरू देखिए
प्रकाशित मिति : मंसिर ३०, २०८१ आईतबार
Drones
अमेरिकी राष्ट्रिय सुरक्षाका अधिकारीहरूले उत्तरपूर्वमा देखिएका रहस्यमय ड्रोनहरूको अनुसन्धान भइरहेको बताएका छन ।
वरिष्ठ अधिकारीहरूले ड्रोनहरू कहाँबाट आएका हुन भन्ने बारेमा खासै जानकारी नभएको बताएका छन । उनीहरुका अनुसार यो घटनाको अनुसन्धान अझै जारी छ ।
यी रहस्यमय ड्रोनहरू पहिलो पटक नोभेम्बर मध्यतिर उत्तरी न्यू जर्सीमा देखिएका थिए । पछिल्लो केही हप्तामा हजारौँ स्थानीय बासिन्दाले ती ड्रोनहरू देखेका छन्।
एफबीआईका एक अधिकारीले भने अनुसार, नोभेम्बरदेखि हालसम्म ५ हजार सुझावहरू प्राप्त भएका छन् । तर तीमध्ये १०० भन्दा कमले मात्र थप अनुसन्धानको आवश्यकता देखाएका छन् ।
एफबीआईका अधिकारीले यी ड्रोन गतिविधिहरूको स्रोत पत्ता लगाउन हरसम्भव प्रयास गरिरहेको बताएका छन ।
डीओडीका एक प्रतिनिधिले भने ड्रोनहरू कुनै विदेशी शक्ति वा दुर्भावनापूर्ण उद्देश्यसँग सम्बन्धित रहेको प्रमाण फेला परेको छैन । तर, हामीलाई यसको अपरेटर वा स्रोतबारे थाहा पाउन आवश्यक छ तर अहिलेसम्म सकेका छैनौ उनले भनेका छन ।
पेन्टागनका अधिकारीले घरेलु क्षेत्रमा गुप्तचर, निगरानी र अनुसन्धानका लागि हामीलाई सीमितता छ, जुन जायज हो ।
एनएससीका एक अधिकारीले पनि ड्रोनहरूमा कुनै विदेशी प्रतिद्वन्द्वीहरूको संलग्नता वा जनताको सुरक्षालाई खतरामा पार्ने प्रमाण फेला नपरेको बताएका छन ।