जनवरी १ बाट न्युयोर्कमा कामदारको न्यूनतम ज्याला वृद्धि हुने
प्रकाशित मिति : मंसिर २१, २०८१ शुक्रबार
Photo by cottonbro studio on Pexels.com
जनवरी १ बाट न्युयोर्कमा कामदारको न्यूनतम ज्याला वृद्धि हुने भएको छ । न्युयोर्क सिटी, लङ आइल्याण्ड र वेस्टचेस्टर काउन्टीमा न्यूनतम ज्याला प्रति घण्टा १५ डलरबाट बृद्धि भएर १६ डलर ५० सेन्टस हुँदैछ । राज्यको बाँकी भागमा १५ डलर ५० सेन्टस हुनेछ ।
न्युयोर्कका सबै क्षेत्रहरूमा न्यूनतम ज्याला सन् २०२६ को जनवरी १ मा अर्को ५० सेन्टसले वृद्धि हुनेछ। पछिल्लो १० वर्षमा न्युयोर्कमा न्यूनतम ज्यालामा उल्लेख्य वृद्धि भएको छ। झण्डै एक दशक पहिले यो प्रति घण्टा ७ डलर २५ सेन्टस थियो।
कार्यकारी र प्रशासनिक छुटहरूको लागि योग्य हुनको लागि न्यूनतम साप्ताहिक तलबमा वृद्धि भएर सन् २०२५ को जनवरी १ बाट डाउनस्टेट न्युयोर्कमा १२ सय ३७ डलर ५० सेन्टस र अपस्टेट न्युयोर्कमा ११६१ डलर ६५ सेन्टस हुनेछ । सन् २०२६ को जनवरी १ बाट डाउनस्टेट न्युयोर्कमा १२ सय ७५ डलर ५० सेन्टस र अपस्टेट न्युयोर्कमा ११९९ डलर १० सेन्टस हुनेछ ।
व्यावसायिक छूटको लागि योग्य हुन न्युयोर्क कानुन अन्तर्गत कुनै न्यूनतम साप्ताहिक तलब छैन। यद्यपि शिक्षकहरू, डाक्टरहरू र वकिलहरू लगायतका केही अपवादहरूका लागि रोजगारदाताहरूले अझै पनि कर्मचारीहरूलाई व्यावसायिक छूट अन्तर्गत छुटको रूपमा वर्गीकृत गर्न संघीय न्यूनतम साप्ताहिक तलबको पालना गर्नुपर्छ।