दक्षिण कोरियाका राष्ट्रपति विरूद्ध महाभियोग प्रस्ताव दर्ता, शुक्रबारसम्म मतदान हुन सक्ने
प्रकाशित मिति : मंसिर १९, २०८१ बुधबार
Yoon Suk Yeol, the 20th President of Republic of Korea The Inauguration Ceremony May 10, 2022 The National Assembly, Seoul DEMA(Defense Media Agency) Official Photographer : YANG DONG WOOK All photographs in the official Flikr account of the Republic of Korea are available only for publication by news organizations and/or for public purposes with proper attribution to the correct source (photographer and organizations mentioned above). Any distortion to the original meaning of a photograph for provision to a third party through posting and resale, partial reproduction, falsification or use of the photograph with other images is strictly prohibited without the express written permission of the government of the Republic of Korea. Thank you. —————————————————- 윤석열 대한민국 제20대 대통령 취임식 2022-05-10 국회의사당 국방홍보원 양동욱 플리커 채널 ‘Republic of Korea’에 게재되는 대한민국정부 사진은 올바른 저작권 이름 (촬영자 / 상기 명기된 기관)으로 표기한 이후 보도 혹은 공익목적으로 사용하실 수 있습니다. 의미를 왜곡하는 맥락에서 사진을 게시하고 재판매, 부분 복제, 변조 또는 다른 이미지에 통합하는 것과 같은 사진의 모든 수정, 자료를 제3자에게 제공하는 것은 대한민국정부(운영자/저작권자)의 명시적인 허가 없이 금지됩니다.
दक्षिण कोरियाका राष्ट्रपति युन सुक योल विरूद्ध विपक्षीले महाभियोग लगाउने प्रस्ताव गरेका छन् ।
चार दशकभन्दा बढी समयपछि पहिलो पटक नागरिक शासन निलम्बन गर्ने युनको आश्चर्यजनक प्रयासले दक्षिण कोरियालाई गहिरो उथलपुथलमा तानेको हो ।
कदमले सियोलका निकट सहयोगीहरूलाई चिन्तितसमेत बनाएको छ। सन् २०२२ मा राष्ट्रपतिमा निर्वाचित भएका परम्परावादी राजनीतिज्ञ तथा पूर्व सरकारी वकिल युनको भविष्य अहिले निकै अनिश्चित बनेको छ ।
दक्षिण कोरियाका विपक्षी दलले बुधबार युनलाई महाभियोग लगाउने प्रस्ताव दर्ता गराएका छन् । विपक्षी डेमोक्रेयाटिक पार्टी (डीपी) का नेता किम योङ मिनले भन्नुभयो, “हामीले तत्काल राष्ट्रपति युनविरूद्ध महाभियोग प्रस्ताव पेश गरेका छौं ।”
उनीहरूले राष्ट्रपति युनविरूद्धको महाभियोग प्रस्तावमा संसदमा मतदान कहिले राख्ने भन्ने बारे निर्णय गर्न बाँकी छ । उच्च पदस्थ विपक्षी नेताहरूले मतदान शुक्रबारसम्म हुन सक्ने बताएका छन् ।
दक्षिण कोरियाको ३०० सदस्यीय संसद्मा विपक्षीदलसँग भारी बहुमत छ तर प्रस्ताव पारित गर्न आवश्यक दुई तिहाइ बहुमत भने पुग्दैन । यसका लागि राष्ट्रपतिको पार्टीबाट केही सांसदकोे दलबदल आवश्यक छ।
यसअघि डीपीले युन, रक्षा तथा आन्तरिक मामिलामन्त्री, सैन्य कानुनका कमान्डर र प्रहरी प्रमुखलगायतका अधिकारीविरूद्ध राज्य विद्रोह (कू) को मुद्दा दायर गर्ने बताएको थियो ।
पछिल्लो घटनाक्रमलाई लिएर देशको सबैभन्दा ठूलो छाता श्रमिक सङ्घले युनले राजीनामा नदिएसम्म अनिश्चितकालीन आम हड्तालको आह्वान गरेको छ । युनको आफ्नै सत्तारुढ दलका नेताले समेत राष्ट्रपतिको यो कदमलाई ‘दुःखद’ भन्दै घटनामा संलग्नलाई जवाफदेही बनाउन माग गरेका छन्।
युनले उत्तर कोरिया र ‘राज्यविरोधी शक्ति’को खतराको हवाला दिँदै मङ्गलबार राति टेलिभिजनमा सैनिक शासन लागु गरिएको घोषणा गर्नुभएको थियो ।
राष्ट्रपतिको उक्त कदमपछि २४ वटा हेलिकप्टरको सहयोगमा २८० भन्दा बढी सैनिक संसद भवन पुगेका थिए । तर, १९० जना सांसदले राइफल बोकेका सैनिकको धज्जी उडाउँदै संसद भवनभित्र पसेर त्यसको विपक्षमा मतदान गरेका थिए । यसले युनसँग आफ्नो निर्णय फिर्ता लिन बाध्य बनायो ।
कोरियाली संविधानअनुसार संसद्मा बहुमतले माग गर्दा सैनिक शासन हटाउनुपर्ने प्रावधान छ । युनका लागि काम गर्ने वरिष्ठ सहयोगीहरूले बुधबार सैनिक शासन घोषणाको विरोधमा सामूहिक राजीनामा दिने प्रस्ताव गरेका थिए।