अमेरिकाको मेरिल्याण्ड राज्य संसदमा भण्डारीको पुन उम्मेदवारी
प्रकाशित मिति : भाद्र २७, २०७४ मंगलबार
नेपाली मुलका एक युवा एचबि भण्डारी ह्यारीले अमेरिकी राजनीतिमा डेमोक्रयाट पार्टीको तर्फबाट उमेदवार बनेका भएका छन् । भण्डारी डेमोक्रयाट पार्टीका तर्फबाट मेरिल्याण्ड राज्य अन्र्तगत डिष्ट्कि ८ को प्राइमरी उम्मेदवार बनेका हुन् ।
नेपालको पर्वतमा जन्मेका भण्डारीले मेरिल्याण्ड राज्यको प्रतिनिधि सभाको आगामी प्राइमरी चुनावको उम्मेदवार बनेको हुन् । डेमोक्रयाट पार्टीमा करिव दुई दशकदेखी अमेरिकी राजनीतिमा सक्रिय भण्डारी चुनावमा भिड्दैछन् ।
मेरिल्याण्ड राज्य अन्र्तगत डेमोक्रयाट् पार्टीका सिनेटरका उम्मेदवार क्याथी क्लास्मिर लगायतको टिमको समर्थन प्राप्त भएको भण्डारीले खसोखासलाई जानकारी दिएका छन् ।
मेरिल्याण्डमा आयोजित फण्ड राइजिङ्घ कार्यक्रमलाई सम्बोधन गर्दै सिनेटर उम्मेदवार क्याथीले एशियन अमेरिकनहरु अमेरिकी राजनीतिमा सक्रिय हुनु आफैमा सुखद पक्ष रहेको उल्लेख गरिन् । क्याथीले भण्डारीमा रहेको क्षमता र दक्षता अमेरिकी राजनीति र समाजका लागि अपरिहार्य रहेको बताइन् ।
कार्यक्रममा मेरिल्याण्ड राज्यका डेलिगेष्ट इरिक व्रमवेल, सामाजिक अभियान्ता डा श्याम कार्की, अवैतानिक महावाणिज्यदुत प्रेमराजा महत, युएन युथका बिमन जोली अमात्य लगायतको उपस्थिति रहेको थियो ।
डिष्ट्कि ८ कन्जरभेटिभ डेमोक्रयाटहरुको बाहुल्यता रहेको स्थान हो । गत बर्ष भएको राष्ट्पति चुनावमा हिलारी क्लिण्टनले जितेकी थिइन् । डेमोक्रयाट पार्टीका उम्मेदवार बनेका भण्डारी हालै मेरिल्याण्ड राज्यबाट एशियन अमेरिकन अवार्डबाट समेत सम्मानित भएका छन् ।
अमेरिकी राजनितिमा सक्रिय भण्डारीले आफुलाई एशियन अमेरिकनहरुको पूर्ण सहयोग मिल्ने विश्वास व्यक्त गरेका छन् । भण्डारीले खसोखाससँग भने, यो राजनीतिक यात्रा मेरो मात्रै होइन्, हामीले अमेरिकन राजनितीमा इन्ट्ी मारेका छौं ।
उनले आफ्नो चुनावी अभियानलाई सफल पारीदिन बिशेषगरी नेपाली समुदायलाई आग्रह समेत गरेका छन् । उनले आफु नेपाली समुदायको बृहत्तर हितमा सँधै लागि रहेको र लागि रहने प्रतिवद्धता जनाउँदै, आफुलाई यस चुनावी अभियानमा सहयोग गर्न आग्रह गरे ।