अमेरिका, बेलायत र युरोपेली संघद्धारा लेबनान र गाजामा अस्थायी युद्धविरामको लागि आह्वान
प्रकाशित मिति : आश्विन ९, २०८१ बुधबार
US President Joe Biden addresses the Canadian Parliament in Ottawa, Canada, on March 24, 2023. (Photo by Mandel NGAN / POOL / AFP)
अमेरिका, बेलायत र युरोपेली संघसहितका सहयोगीहरूले लेबनानमा अस्थायी युद्धविरामको आह्वान गरेका छन् । १२ राष्ट्रको समूहले कूटनीतिक समाधानतर्फ मार्ग प्रशस्त गर्न तत्काल २१ दिने युद्धविराम प्रस्ताव गरेको छ ।
गाजामा पनि युद्धविरामको माग गरिएको छ। इजरायल र हिजबुल्लाहबीचको झडपपछि लेबनानमा युद्धविरामको लागि अमेरिका सहितका सहयोगीहरुले आव्हान गरेका हुन ।
साझा वक्तव्यमा, उनीहरूले यी झडपहरू सहन नसकिने खालका भएको र यसले क्षेत्रीय संघर्षलाई बढाउने जोखिम रहेको बताएका छन । यो जोखिम इजरायल र लेबनानका लागि हितकारी नहुने उनीहरुको भनाई छ ।
इजरायली सेनाका प्रमुखले हिजबुल्लाहलाई लक्षित गर्दै लेबनानमा हवाई आक्रमण गरिरहेका सैनिकहरूलाई स्थलगत हमलाको लागि तयारी गर्न निर्देशन दिएपछि यो बक्तव्य आएको हो। लेबनानमा भूसैनिक आक्रमण गर्ने इजरायलले तयारी गरेको देखिएको छ ।
संयुक्त वक्तव्यमा अमेरिकासहित अस्ट्रेलिया, क्यानडा, युरोपेली संघ, फ्रान्स, जर्मनी, इटाली, जापान, साउदी अरब, संयुक्त अरब इमिरेट्स, बेलायत र कतारले हस्ताक्षर गरेका छन । न्यूयोर्कमा भएको संयुक्त राष्ट्र महासभाको बैठकपछि यो वक्तव्य जारी गरिएको थियो।
अमेरिकी राष्ट्रपति बाइडेन र फ्रान्सेली राष्ट्रपति इम्यानुएल म्याक्रोंले जारी गरेको अर्को संयुक्त वक्तव्यमा नागरिकहरूलाई आफ्नो घर फर्किन सक्ने सुरक्षा र सुरक्षाको वातावरण निर्माण गर्न युद्धविरामको माग गर्नुभएको थियो ।
राष्ट्रपति बाइडेनले ह्वाइट हाउसमा पत्रकारहरूसँग छोटकरीमा कुरा गर्दै यो युद्ध फैलिनु हुदैन भन्नेमा युरोप र अरब राष्ट्रहरूको महत्त्वपूर्ण समर्थन रहेको बताउनु भयो ।
यसअघि, संयुक्त राष्ट्र महासचिव एन्टोनियो गुटेरेसले तत्काल युद्धविरामको आह्वान गर्नुभएको थियो ।
लेबनानका प्रधानमन्त्री नजीब मिकातीले आफ्नो देशले इजरायली सेनाको क्रुर कार्यका कारण सार्वभौमिकता र मानवअधिकारको उल्लङ्घन भोगिरहेको बताउनु भयो ।
उहाँले संयुक्त राष्ट्रको बैठकबाट इजरायलमाथि युद्धविरामको लागि दबाब दिने र गम्भीर समाधान सहित फर्किने आशा गर्नुभएको छ । इजरायली प्रधानमन्त्री बेन्जामिन नेतन्याहू बिहीबार न्यूयोर्क पुग्ने र महासभामा अर्को बिहान सम्बोधन गर्ने कार्यक्रम रहेको छ ।