ह्यारिस र ट्रम्पबीचको बहस नेक टु नेक, ह्यारिसको घेराबन्दीमा परेका ट्रम्प रक्षात्मक

खसोखास अमेरिका ब्यूरो

---

प्रकाशित मिति : भाद्र २५, २०८१ मंगलबार

अमेरिकी राष्ट्रपतिका दुई उम्मेदबारहरु पूर्व राष्ट्रपति डोनाल्ड ट्रम्प र उपराष्ट्रपति कमला ह्यारिसबीच आज पहिलो र सम्भवत यो चुनावको अन्तिम बहस नेक टु नेक देखिएको छ । बहसमा ट्रम्प रक्षात्मक र ह्यारिस आक्रमक देखिएकी थिइन् । ट्रम्पको तुलनामा ह्यारिसले प्रतिद्वन्दीको आक्रमणमा बढी समय खर्चिएकी थिइन् । फिलाडेल्फियाको राष्ट्रिय संविधान केन्द्रमा न्युयोर्क समय अनुशार राति ९ बजेबाट सुरु भएको बहस ९० मिनेट चलेको थियो ।

बहसमा डोनाल्ड ट्रम्प र कमला ह्यारिसबीच मुद्रास्फीति, गर्भपतन र अध्यागमनको विषयमा चर्काचर्की भएको थियो । ट्रम्पले जनवरी ६ मा दंगा गर्नेहरूको बचाउ गरे भने आफूले २०२० को राष्ट्रपति चुनाव हारेको स्वीकार गर्न अस्वीकार गरे। ह्यारिसले ट्रम्पलाई आफ्नो जातीय पहिचानमाथि आक्रमण गरेको भन्दै राष्ट्रपति बराक ओबामाको जन्मस्थलका बारेमा गरेको आक्रमणसँग तुलना गरिन् ।

ह्यारिसले आफ्नो समापन वक्तव्यमा भविष्यको बारेमा सकारात्मक सन्देशलाई जोड दिएकी थिइन् । उनले आफ्नो अभियान मन्त्र दोहोराउँदै पछाडि नहट्ने बताइन् भने ट्रम्पले चुनावी वाचा पूरा नगरेकोमा ह्यारिसमाथि प्रहार गरे।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

बहसका नियमहरू अनुसार त्यहाँ कुनै प्रत्यक्ष दर्शक र कुनै सुरुवाती बयानहरू थिएनन् । दुई व्यावसायिक ब्रेकहरू थिए । दुई उम्मेदवारहरूले समापन बयानहरूका लागि दुई मिनेट भन्दा कम समय दिइएको थियो । ह्यारिस र ट्रम्पलाई एकअर्कालाई प्रश्न सोध्न अनुमति दिइएको थिएन । केवल मध्यस्थकर्ताहरू एबीसीका डेभिड मुर र लिन्से डेभिसलाईमात्र प्रश्नहरू सोधेका थिए ।

उम्मेदवारहरूसँग प्रश्नहरूको जवाफ दिन दुई मिनेट, खण्डनका लागि दुई मिनेट र फलोअप तथा स्पष्टीकरणका लागि थप एक मिनेट थियो । ह्यारिसको अभियानले एकजना उम्मेदवार बोलिरहेको बेलामा अर्को उम्मेदारको माइक्रोफोनहरू म्युट राख्न सहमति दिएको थियो । पोडियम प्लेसमेन्ट र अन्तिम बयानको क्रम निर्धारण गर्न एक सिक्का फ्लिप गरिएको थियो । ट्रम्पले भर्चुअल सिक्का टस जितेका थिए । जस अनुशार उनले अन्तिम समापन बयान दिएका थिए ।

उम्मेदवारहरू बहसको अवधि भर आफ्नो पोडियमका पछाडिमात्र उभिएका थिए । यद्यपी उनीहरु उनीहरुले बहसको सुरुमा भने हात मिलाएका थिए । उम्मेदवारहरूलाई स्टेजमा पूर्वलिखित नोटहरू लैजान अनुमति थिएन । उनीहरूलाई विषयहरू वा प्रश्नहरू अग्रिम दिइएको थिएन । एबीसीले अन्य टेलिभिजन नेटवर्कहरूलाई बहस प्रशारण गर्न अनुमति दिएको थियो । यो बहसमा ह्यारिस र ट्रम्प पहिलोपटक आमनेसामने भेटेका थिए ।