रामेछापमा पहिरोले घर बगाउदा २ को मृत्यु , ८ जनाको खोजी चल्दै

नेपाल डेस्क

---

प्रकाशित मिति : भाद्र ८, २०८१ शनिबार

रामेछापमा पहिरोमा पु्रिएर २ जनाको मृत्यु भएको छ । आठ जना बेपत्ता भइका छन । दोरम्बा शैलुङ गाउँपालिकाको वडा नम्बर ३ लेखर्कमा पहिरोमा पुरिएर २ जनाको मृत्यु भएको हो । आठ जना हराइरहेका प्रहरीले बताएको हो ।

गएराति १० बजेतिर झरेको पहिरोले ६ वटा घर बगाएको हो । गाउँपालिकाका उपाध्यक्ष खमला थापामगरका अनुसार चण्डिका थापामगर र एउटा बालकको शव भेटिएको छ । अरू आठ जना हराइरहेका छन ।

घरकै नाम निशान नभएकाले हराइरहेका मानिस खोज्न पनि समस्या भएको प्रहरीको भनाइ छ । पहिरोले ३ वटा घर बगाएर अँधेरी खोलामा पुर्याएको बताइएको छ ।

जिल्ला प्रहरी कार्यालय रामेछापका सूचना अधिकारी कौशल न्यौपानेका अनुसार गएराति परेको भीषण वर्षाका कारण गाउँ नजिकै रहेको खोलाको कटानले पहिरो खसेको थियो ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

घटनास्थलमा प्रहरी टोली पुगेर कम्तीमा ३ घर बगाएको र २ जनाको शव घटनास्थलमा निकालिएको उहाँले बताउनु भयो ।

पहिरोपछिको बाढीले एउटा पक्की पुल पनि बगाएको छ । अहिले घटनास्थलमा नेपाली सेना र नेपाल प्रहरी पुगेर खोजी शुरु गरेका छन् ।