यसरी छताछुल्ल भयो औपचारिक घोषणा नहुँदै एनआरएन अमेरिकाको परिणाम


प्रकाशित मिति : भाद्र २२, २०७४ बिहीबार

एनआरएन अमेरिकाको चुनावी परिणाम निर्वाचन आयोगले सार्वजनिक नगर्दै छताछुल्ल भएपछि अमेरिकाको एनआरएन समाज तातेको छ । कसैले ह्याक गरेका कारण नभई प्राविधिक कारणले चुनावी परिणाम सार्वजनिक भएको जनाइएको छ ।

चुनाव सकिएपछि वेवसाइटबाट नै परिणाम हेर्न मिल्नेगरी निर्वाचन गराउने जिम्मा लिएको वेवसाइट इलेक्सनबडीले गरेको प्राविधिक त्रुटीका कारण चुनावी परिणाम सार्वजनिक भएको जनाइएको छ । यद्यपी निर्वाचन आयोगले यो परिणामको औपचारिक घोषणा गर्न भने बाँकी रहेको छ ।

इलेक्सनडीको वेवसाइटमा निर्वाचन समाप्त हुनासाथ परिणाम हेर्न मिल्ने व्यवस्था भएपनि अहिलेभने त्यो व्यवस्था हटाइएको छ । इलेक्सनबडीको वेवसाइटमा सार्वजनिक भए अनुशारर एनआरएन अमेरिकाको अध्यक्षमा केशव पौडेल विजयी भएका छन् ।

पौडेल ४ हजार २ सय २९ मतका साथ अध्यक्षमा निर्वाचित भएका छन् भने रविना थापाले ३ हजार ५ मत ल्याएर दोश्रो स्थानमा छिन् । त्यस्तै राम सी पोखरेलले ९६४ र कृष्ण पोखरेलले ७३ मत ल्याएका छन् ।

बरिष्ठ उपाध्यक्षमा सुनिल शाह, क्षेत्रीय उपाध्यक्षहरुमा राधा पौडेल, रामकुमार सुवेदी, जेदु पोखरेल र उमा कार्की थापा निर्वाचित भएका छन् । त्यस्तै महासचिवमा बाबुराम लामा, सचिवमा होमनाथ गौतम, कोषाध्यक्षमा प्रकाश अर्याल, सहकोषाध्यक्षमा पवन योञ्जन, महिला कोअर्डिनेटरमा इन्दिरा त्रिपाठी र सदस्यहरुमा अमृतबाबु कट्टेल, आंग निग्मा गेल्जा शेर्पा, अर्जुन बन्जाडे, बिन्दु सापकोटा निरौला, दिव्या केसी ओली, गोपेन्द्र भट्टराई, कृष्ण लामिछाने, प्रितीसागर खत्री, सञ्जय थापा, तृष्णा शर्मा र विष्णुबहादुर शाह निर्वाचित भएका छन् ।

आईसीसी सदस्यहरुमा बलराम थापा, बन्दना कोइराला, बेदराज बस्नेत, बिष्णुमान प्रधान, धर्म भट्टराई, डिल्लीराम भट्टराई, गोमा सेन र प्रकाश सापकोटा निर्वाचित भएका छन् ।

न्युयोर्क च्याप्टर अध्यक्षमा भने रामहरि अधिकारी, महिला कोअर्डिनेटरमा कञ्चन केसी, कोषाध्यक्षमा अनु खड्का र सदस्यहरुमा बलराम श्रेष्ठ, बेगम पण्डित, गोपाल गुरुङ, इन्दिरा घर्ती र प्रेमकुमार राई निर्वाचित भएका छन् ।

त्यस्तै विसकन्सिन च्याप्टर अध्यक्षमा बुद्धीसागर सुवेदी, टेक्सास च्याप्टर अध्यक्षमा भानुभक्त खरेल, क्यालिफोर्निया च्याप्टर अध्यक्षमा रामबाबु पाण्डे, जर्जिया च्याप्टर अध्यक्षमा सूर्य लम्साल, नर्थ क्यारोलिना च्याप्टर अध्यक्षमा बाबुराम पोखरेल निर्वाचित भएका छन् ।

यसैबीच एनआरएन अमेरिकाको निर्वाचन परिणाम निर्वाचन आयोगले सार्वजनिक गर्नु अगाडि नै छताछुल्ल भएपछि निर्वाचन आयोगका सदस्य अन्जन श्रेष्ठलाई आफूलाई लज्जाबोध भएको जनाएका छन् । श्रेष्ठले फेसबुकमा स्टेटस पोष्ट गर्दै एनआरएन अमेरिकाको चुनावमा ठूलै कमेडी भएको र आफूलाई लज्जाबोध भएको जनाएका छन् ।

त्यस्तै एनआरएन अमेरिकाको प्रमुख निर्वाचन आयुक्त बन्दिता शर्मा दाहालले निर्वाचन गराइएको वेवसाइट इलेक्सनबडीबाट आफूहरुलाई आधिकारिक चुनावी परिणाम नआइसकेको बताइन् । निर्वाचन आयोगलाई आधिकारिक जानकारी नआउदै परिणाम बाहिर छताछुल्ल भएकोबारे उनले भनिन् – ‘के भएको हो भन्नेबारे इलेक्सनबडीले छानविन गरिरहेको छ । छानविनपछि आधिकारिक विवरण निर्वाचन आयोगले जानकारी गराउनेछ ।’

 

 

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com