अबदेखि न्युयोर्क सिटीमा बस स्टपहरू अवरुद्ध गर्ने चालकलाई २५० डलरसम्म जरिवाना
प्रकाशित मिति : भाद्र ३, २०८१ सोमबार
न्युयोर्क सिटीमा बस स्टपहरू अवरुद्ध गर्ने ड्राइभरहरूले सोमबारदेखि स्वचालित रूपमा जरिवाना तिर्नुपर्ने प्रावधान सुरु गरिएको छ । जरिवाना ५० डलर बाट सुरु हुन्छ तर पटकपटक अवरुद्ध गर्नेहरुले २५० डलरसम्म जरिवाना तिर्नुपर्ने हुनसक्छ ।
एमटीएले नयाँ स्वचालित क्यामेराका साथ कारवाही सुरु गरेको हो । बस स्टपहरु अवरुद्ध गर्ने गाडीहरुको वास्तविक समय डाटा क्याप्चर गर्न बसहरूमा क्यामेराहरू जडान गरिएको छ । क्यामेराहरु चेक गरेर बस स्टपहरू अवरुद्ध गर्ने गाडीका ठेगानामा जरिवानाको टिकट पठाइनेछ ।
यदि कसैले बस लेन, बस स्टप, वा दोहोरो पार्किङमा अवरोध गरेमा हुलाकमार्फत जरिवानाको टिकट प्राप्त गर्ने अपेक्षा गर्न सक्नेछन् । बसका रुटहरूमा डबल पार्क गरेमा, बसहरू अवरुद्ध गरेमा वा बस लेनहरूमा पार्क गरेमा त्यस्ता गाडीका चालक स्वत जरिवानामा पर्ने न्यूयोर्क सिटी ट्रान्जिटका अधिकारीले चेतावनी दिएका छन् ।
अब अवरुद्ध गर्ने ड्राइभरहरूले कुनै चेतावनीहरू पाउने छैनन् । उनीहरुले एकैपटकट टिकट प्राप्त गर्नेछन् । बसमा चढ्ने यात्रुहरुका लागि जीवन सजिलो बनाउन यो नियम ल्याएको अधिकारीहरुले बताएका छन् । एमटीएका १४ वटा बस रुटहरूमा चल्ने ६ सय भन्दा बढी बसहरूमा टिकटिङ क्यामेराहरू जडान गरिएको छ ।