ट्रम्प र ह्यारिस एबीसीमा सेप्टेम्बर १० मा बहस गर्न तयार
प्रकाशित मिति : श्रावण २५, २०८१ शुक्रबार
अमेरिकी राष्ट्रपतिका दुई उम्मेदबारहरु पूर्व राष्ट्रपति डोनाल्ड ट्रम्प र उपराष्ट्रपति कमला ह्यारिसले सेप्टेम्बर १० मा एबीसीमा बहस गर्ने तयारी गरेका छन्। बिहीबार फ्लोरिडाको मार ए लागो रिसोर्टमा बोल्दै ट्रम्पले ह्यारिससँग बहस गर्न आफू तत्पर रहेको र आफू सहमत भएको बताएका हुन् ।
फक्स, एनबीसी र एबीसीमा हुने बहसका लागि आफू तयार रहेको ट्रम्पले बताए । ह्यारिसले पनि सेप्टेम्बर १० को बहसमा आफ्नो सहभागिता पुष्टि गरेकी छिन् । उनले त्यसपछिमात्र थप बहसहरूबारे छलफल गर्न तयार भएको बताएकी छिन्।
ट्रम्पले पहिले ह्यारिस प्रस्तावित फक्स न्यूज बहसमा भाग लिन राजी नभए एबीसीमा बहस नगर्ने बताए थिए । स्थान, नियम र कार्यक्रम संचालकको विवरणहरू आगामी हप्ताहरूमा निर्धारण गरिनेछ।
एबीसी न्यूजले सेप्टेम्बर १० मा बहस गर्न योग्य राष्ट्रपति उम्मेद्वारहरू होस्ट गर्ने एबीसीले एक विज्ञप्तिमा बताएको छ । उपराष्ट्रपति ह्यारिस र पूर्व राष्ट्रपति ट्रम्प दुबैले एबीसी बहसमा भाग लिने पुष्टि गरेको सञ्जालले एक विज्ञप्तिमा भन्यो।
ट्रम्पले सेप्टेम्बर ४ मा फक्समा, सेप्टेम्बर १० मा एबीसीमा र सेप्टेम्बर २५ मा एनबीसीमा बहसका लागि सहमति जनाएका छन् । ट्रम्पले अर्को पक्ष सर्तहरूमा सहमत हुनुनपर्ने तर तिनीहरू सहमत हुन पनि सक्ने वा नहुन पनि सक्ने बताए । ह्यारिसले एउटा अन्तर्वार्ता पनि नदिएको र उनले अन्तर्वार्ता दिन नसक्ने ट्रम्पले बताए । उनी सक्षम नभएकाले उनले अन्तर्वार्ता दिन नसक्ने तर आफू बहसको लागि तत्पर रहेको ट्रम्पले बताए ।
एबीसी बहसलाई ट्रम्पले पूर्व राष्ट्रपति जो बाइडेन दौडबाट बाहिर निस्कनु अघि स्वीकार गरेका थिए। यस हप्ताको सुरुमा ट्रम्पले सेप्टेम्बर ४ मा प्रस्तावित फक्स न्यूज बहसमा भाग नलिए एबीसीमा ह्यारिससँग बहस नगर्ने बताएका थिए।