अमेरिकी राष्ट्रपतिको उम्मेदबार बन्न बाइडेनले गरे कमला ह्यारिसलाई इन्डोर्स
प्रकाशित मिति : श्रावण ६, २०८१ आईतबार
President Joe Biden, joined by Vice President Kamala Harris, after delivering remarks on the CDC’s updated guidance on mask wearing for vaccinated individuals Thursday, May 13, 2021, in the Rose Garden of the White House. (Official White House Photo by Adam Schultz)
अमेरिकी राष्ट्रपतिका लागि चुनावी दौडबाट बाहिरिएका जो बाइडेनले आगामी राष्ट्रपति चुनावका लागि डेमोक्रेटिक पार्टीका उम्मेदबारका रुपमा उपराष्ट्रपति कमला ह्यारिसलाई इन्डोर्स गरेका छन् । आफूले उम्मेदबारी नदिने घोषणा गरेको केहीबेरमा नै बाइडेनले कमला ह्यारिसलाई इन्डोर्स गरेका हुन् ।
My fellow Democrats, I have decided not to accept the nomination and to focus all my energies on my duties as President for the remainder of my term. My very first decision as the party nominee in 2020 was to pick Kamala Harris as my Vice President. And it’s been the best… pic.twitter.com/x8DnvuImJV
— Joe Biden (@JoeBiden) July 21, 2024
बाइडेनले भनेका छन् – ‘मैले मनोनयन स्वीकार नगर्ने र मेरो बाँकी कार्यकालको लागि राष्ट्रपतिको रूपमा मेरो कर्तव्यहरूमा मेरो सबै शक्ति केन्द्रित गर्ने निर्णय गरेको छु। २०२० मा पार्टीको उम्मेदवारको रूपमा मेरो पहिलो निर्णय कमला ह्यारिसलाई मेरो उपराष्ट्रपति बनाउने थियो। र यो मैले गरेको सबैभन्दा राम्रो निर्णय हो। आज म कमलालाई यस वर्ष हाम्रो पार्टीको उम्मेदवार बन्न मेरो पूर्ण समर्थन व्यक्त गर्न चाहन्छु। यो एकजुट भएर ट्रम्पलाई हराउने समय हो। अब यो काम गरौ।’
बाइडेन राष्ट्रपतिको दौडबाट पछि हटेपछि डेमोक्र्याटिक पार्टीका अगाडि राष्ट्रपतिको उम्मेदबार कसलाई बनाउने भन्नेबारे प्रश्न उठेको छ । यो जटिल प्रक्रियाले अगस्टमा हुने नेशनल कन्भेन्ससम्म राजनीतिक उथलपुथलको ढोका खालेको छ ।
बाइडेनले उम्मेदबारी छाडेपछि प्रतिज्ञा गरेका प्रतिनिधिहरू आफूले रोजेका उम्मेदबारलाई मतदान गर्न स्वतन्त्र हुनेछन्। यसले खुला सम्मेलनको नेतृत्व गर्न सक्छ जुन आधुनिक अमेरिकी राजनीतिमा दुर्लभ मानिन्छ ।
तत्कालका लागि पार्टीले संकटको समयमा एकताबद्ध शक्तिको रूपमा उपराष्ट्रपति कमला ह्यारिसलाई अगाडि सार्नसक्ने सम्भावना रहेको छ । यो नै डेमोक्र्याट्सहरुका लागि सबैभन्दा सजिलो बाटो हुनसक्छ । किनभने उनी डेमोक्र्याटहरूबीच राम्रोसँग परिचित छिन् भने उनले यसअघि पनि चुनावी अभियान सञ्चालन गरिसकेकी छिन् । उनले बाइडेन ह्यारिस अभियानका बैंक खाता र श्रोतसाधनहरु लिन सक्छिन्। अर्को नयाँ उम्मेदबार चयन गरेमा सबैकुरा सुुरुबाट प्रारम्भ गर्नुपर्ने हुनसक्छ ।