Follow @khasokhasmag

उत्तर कोरियाले युद्ध सुरु गरेको अमेरिकोका आरोप


प्रकाशित मिति : भाद्र २०, २०७४ मंगलबार

काठमाडौं, २० भदौं । उत्तर कोरियाका नेता किम जोङ–उनले नयाँ युद्धको सुरुवात गरेको अमेरिकाले आरोप लगाएको छ ।
संयुक्त राष्ट्रसंघका लागि अमेरीकी दूत निकी हेलीले उत्तर कोरियाले पछिल्लो पटक गरेको शक्तिशाली परमाणु बमको परीक्षणले नयाँ युद्धको सुरुवात गरेको बताएका हुन । उत्तर कोरियाले आइतबार हाइड्रोजन बमसहितको परमाणु परीक्षण गरेपछिको अवस्थाबारे छलफल गर्न बोलाइएको राष्ट्र संघीय सुरक्षा परिषदको आपतकालिन बैठकमा अमेरिकी दूत हेलीले उत्तर कोरिया र नेता किमले युद्धको सुरुवात गरेको बताएका छन् ।

अमेरिका युद्धको पक्षमा नरहेको तर आफूहरुको धैर्यता असिमित रहेको हेलीको भनाई छ । अमेरिकाले उत्तर कोरियामाथिको प्रतिबन्ध थप कडा बनाउने प्रस्ताव गरेको छ । बैठकमा उत्तर कोरियाको मुख्य सहयोगी रहँदै आएको चीनले वार्ताको प्रस्ताव गरेको छ । त्यसका लागि स्वीट्जरल्याण्डले मध्यस्थता गर्ने बताएको छ ।

परमाणु परीक्षणको प्रतिक्रिया स्वरुप दक्षिण कोरियाले सोमबार लाइभ–फायर एक्सरसाइज गरेको थियो । उत्तर कोरियाले नयाँ मिसाइल परीक्षणको तयारी गरेको विश्लेषकले बताएका छन् । उत्तर कोरियाले आइतबार परीक्षण गरेको हाइड्रोजन बम सन् १९४५ मा जापानको हिरोशिमा ध्वस्त पारेको बम भन्दा तीनगुणा ठूलो रहेको विश्लेषण गरिएको छ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com