यी हुन् एनआरएन अमेरिकाको चुनावका १२ आईसीसी सदस्य उम्मेदवार
प्रकाशित मिति : भाद्र २०, २०७४ मंगलबार
पूर्वीय समय अनुशार मंगलबार विहान ८ बजे देखि बुधबार राती ११ बजेर ५९ मिनेटजाँदासम्म हुने एनआरएन अमेरिकाको चुनावमा आईसीसी सदस्यका लागि १२ जनाले उम्मेदवारी दिएका छन् । १२ जनाबाट ८ जना आईसीसी सदस्यमा निर्वाचित हुनेछन् ।
एनआरएन अमेरिकाका पूर्व बरिष्ठ उपाध्यक्ष लोकनाथ तिवारीदेखि महाभूकम्पमा परिवारका कैयन सदस्यहरु गुमाउँदासमेत धैर्य राखेर एनआरएन आन्दोलनमा सहभागी भइरहेका बिष्णुमान प्रधानसम्मले आईसीसी सदस्यमा उम्मेदवारी दिएका छन् ।
आईसीसी सदस्यमा तीनजना महिलाहरु बनिता कतिला, गोमा सेन र बन्दना कोइरालाले समेत उम्मेदवारी दिएका छन् । युवा उम्मेदवार धर्म भट्टराईदेखि बेदराज बस्नेतसम्मको उम्मेदवारी आईसीसी सदस्यमा परेको छ ।
त्यो बाहेक बलराम थापा, डिल्लीराम भट्टराई, शंकर खड्का, प्रकाश सापकोटा र सुशिल रेग्मी समेत एनआरएन आईसीसी सदस्यका लागि चुनावी मैदानमा छन् ।
क्षेत्रगत हिसाबले हेर्दा न्युयोर्कबाट बन्दना कोइराला, गोमा सेन र बनिता कतिला गरी तीनजना महिलासहित बिष्णुमान प्रधानको उम्मेदवारी परेको छ । टेक्सासबाट बेदराज बस्नेत एक्ला उम्मेदवार हुन् । क्यालिफोर्नियाबाट पनि बलराम थापा, डिल्लीराम भट्टराई र शंकर खड्काको उम्मेदवारी परेको छ । कोलोराडोबाट प्रकाश सापकोटा, मेरिल्याण्डबाट लोकनाथ तिवारी र सुशिल रेग्मी, मिसिगनबाट धर्म भट्राईको उम्मेदवारी परेको छ ।
