बाढी प्रभावित क्षेत्रमा ट्रम्पको दोस्रो भ्रमण
प्रकाशित मिति : भाद्र १८, २०७४ आईतबार
वासिङटन, १८ भदौ । अमेरिकाका राष्ट्रपति डोनाल्ड ट्रम्पले बाढी प्रभावित क्षेत्र टेक्सासमा शनिबार दोस्रो पटक भ्रमण गर्नुभएको छ ।
बाढीपीडितलाई पर्याप्त ध्यान नदिएको भन्दै आलोचना भएपछि उहाँले श्रीमती मेलानिआसहित प्रभावित ठाउँको भ्रमण गर्नुभएको हो ।
उहाँले राहत केन्द्रमा पुगेर राहतका लागि भइरहेको प्रयासका बारेमा सोधीखोजी गर्नुभएको सरकारी अधिकारीहरुले जनाएका छन् । उहाँले बाढी प्रभावितलाई सहयोग गर्न विश्वसमुदायलाई आह्वान पनि गर्नुभएको छ ।
बाढीले टेक्सास राज्यको हयुस्टनको जनजीवन अस्तव्यस्त बनेको हो । राष्ट्रपति ट्रम्पले यसअघि बाढी आएको केही घण्टामै प्रभावित क्षेत्रको निरीक्षण गर्नुभएको थियो ।
बाढीका कारण सडकमा रहेका सवारीसाधनसमेत डुबानमा परेका थिए । दर्जनभन्दा बढीको मृत्यु भएको थियो भने सयौँ घाइते र हजाराँै विस्थापित भएका छन् । रासस