अमेरिकामा बस्नका लागि उत्कृष्ट र खराब राज्यहरु, न्युयोर्क कति नम्बरमा?
प्रकाशित मिति : जेष्ठ ६, २०८१ आईतबार
यूएस न्यूज एण्ड वर्ल्ड रिपोर्टले अमेरिकामा आफ्ना नागरिकहरूको आवश्यकताहरू पूरा गर्ने सन्दर्भमा उत्कृष्ट राज्यहरुको सुची प्रकाशित गरेको छ । मङ्गलबार जारी गरिएको सुचीमा राज्यहरूले ७० मेट्रिक्समा आठ कोटीहरूमा बासिन्दाहरूलाई कति राम्रो सेवा दिन्छन् भन्नेबारे मापन गर्छ । अर्थव्यवस्था, वित्तीय स्थिरता, शिक्षा, स्वास्थ्य सेवा, पूर्वाधार, प्राकृतिक वातावरण, अवसर, र अपराध र सुधारहरूको सुचकांक यसमा समावेश गरिएको छ ।
सुचकांकमा स्वास्थ्य सेवा र शिक्षालाई सबैभन्दा बढी भार दिइएको छ । सुची तयार पार्नका लागि मानिसहरूको लागि सबैभन्दा महत्त्वपूर्ण कुरालाई फरक फरक भार प्रदान गरिएको छ । कतिपय राज्यहरु कुनै सुचकांकमा अगाडि त कुनैमा पछाडि दिएका छन् । तर समग्र मुल्यांकनमा उत्कृष्ट पहिलोमा परेको छ युटाह, जहाँ शिक्षा र अर्थतन्त्रको सुचकांक निकै राम्रो छ । । अपराध नियन्त्रणमा अग्र स्थानमा रहेको न्यु ह्याम्पशायर दोश्रोमा परेको छ भने नेब्रास्का समग्रमा तेश्रोमा छ ।
चौथोमा परेको छ मिनेसोटा । त्यस्तै पाँचौंमा आइदायो, छैठौंमा आयोवा, सातौंमा भर्मोन्ट, आठौंमा वासिंटन राज्य, नवौंमा फ्लोरिडा दशौंमा मासाचुसेट्स परेको छ । एघारौंमा साउथ डाकोटा, १२ औंमा वायोमिंग, १३ औंमा भर्जिनिया, १४ औंमा न्युजर्सी, १५ औंमा नर्थ डाकोटा, १६ औंमा कोलोराडो, १७ औंमा विसकन्सिन, १८ औंमा जर्जिया, १९ औंमा नर्थ क्यारालाइना, २० औंमा कनेक्टिकट, २१ औंमा डेलावर, २२ औंमा मेरिल्याण्ड, २३ औंमा न्युयोर्क, २४ औंमा मोन्टाना, २५ औंमा कन्सास परेका छन् ।
त्यस्तै २६ औंमा रोढ आइल्याण्ड, २७ औंमा टेनेसी, २८ औंमा मेन, २९ औंमा टेक्सास, ३० औंमा इन्डियाना परेका छन् । ३१ औंमा ओरेगन, ३२ औंमा एरिजोना, ३३ औंमा नेभाडा, ३४ औंमा हवाई, ३५ औंमा मिजौरी, ३६ औंमा ओहायो, ३७ औंमा क्यालिफोर्निया, ३८ औंमा इलिनोय, ३९ औंमा केन्टकी र ४० औंमा पेन्सिलभेनिया परेका छन् ।
सुचीमा सबैभन्दा खराब राज्यहरुमा पहिलो नम्बरमा परेको छ लुजियाना, खराब दोश्रोमा न्यु मेक्सिको, तेश्रोमा मिसिसिपी, चौथोमा अर्कान्सास, पाँचौंमा वेष्ट भर्जिनिया, छैठौंमा अलास्का, सातौंमा अलाबामा, आठौंमा ओक्लाहोमा, नवौंमा मिसिगन र दशौंमा साउथ क्यारोलाइना परेको छ । अपराध नियन्त्रणका हिराबले लुजियाना सबैभन्दा पछाडि रहेको छ भने न्यु मेक्सिको शिक्षामा सबैभन्दा पछाडि छ ।
मिसिसिपी स्वास्थ्यमा सबैभन्दा पछाडि छ भने वेष्ट भर्जिनिया भौतिक संरचनामा सबैभन्दा पछाडि छ । २७ नम्बरमा रहेको क्यालिफोर्निया अवशरका लागि सबैभन्दा पछाडि छ । ३० नम्बरमा रहेको इन्डियाना प्राकृतिक वातारणमा सबैभन्दा पछाडि छ ।