लेखापरीक्षण सार्बजनिक नगर्ने २१ दललाई निर्बाचन आयोगले स्पष्टिकरण माग्यो


प्रकाशित मिति : बैशाख ९, २०८१ आईतबार

निर्वाचन आयोगले राजनीतिक दललाई स्पष्टीकरण सोधेको छ । लेखापरीक्षण प्रतिवेदन समयमा नबुझाउने र सार्वजनिक पनि नगर्ने राजनीतिक दललाई स्पष्टीकरण सोधेको बताएको हो । आयोगले प्रतिवेदन नबुझाउने दललाई कारणसहित ७ दिनभित्र जवाफ दिन भनेको छ ।

नेपाली कांग्रेस विपीले भने तोकिएको समय सकिएपछि लेखापरीक्षण प्रतिवेदन बुझाएकोमा उसलाई सोको कारणसहित जवाफ मागेको छ ।

आयोगमा दर्ता कायम रहेका १ सय १८ दलमध्ये आर्थिक वर्ष २०७९।८० को लेखापरीक्षण प्रतिवेदन तोकिएको समयवाधिभित्र पेश गर्ने ८२ राजनीतिक दलमध्ये प्रतिवेदन सार्वजनिक नगर्ने २१ दललाई ७ दिनभित्र सार्वजनिक गरी जानकारी दिन निर्देशन गरिएको छ ।

आयोगका सहप्रवक्ता रामदत्त पाण्डेयद्वारा जारी विज्ञप्तिमा लेखापरीक्षण प्रतिवेदन निरन्तर ३ आर्थिक वर्षसम्म पेस नगर्ने दलहरु नेपाल राष्ट्रवादी पार्टी, माओवादी जनमुक्ति पार्टी नेपाल, नेपाल कम्युनिष्ट पार्टी परिवर्तन, सामाजिक एकता पार्टी, साझा पार्टी नेपाल , आम आदमी पार्टी नेपाल, राष्ट्रिय जनमुखी पार्टी लोकतान्त्रिक, नेपाल कम्युनिष्ट पार्टी लोकतान्त्रिक, दुई आर्थिक वर्षसम्म प्रतिवेदन पेश नगर्ने राजनीतिक दलहरू गान्धीवादी पार्टीलाई स्पष्टीकरण सोधेको छ ।

समयमा लेखापरीक्षण सार्वजनिक नगर्ने दलमा मुस्कान सेना नेपाल पार्टी, बहुजन एकता पार्टी नेपाल, मौलिक जरोकिलो पार्टी, नेपाल कम्युनिष्ट पार्टी एकता राष्ट्रिय अभियान, नेपाल समाजवादी कांग्रेस, जनताको जनवादी पार्टी, नेपाल, मितेरी पार्टी नेपाल, विवेकशील साझा पार्टी, नेपाल कम्युनिष्ट पार्टी समाजवादी , मधेश तराई फोरम, नेपाल परिवार दल, नेपाः राष्ट्रिय पार्टी, आधुनिक नेपाल समाजवादी पार्टी, त्रिमूल नेपाल, प्रजातान्त्रिक पार्टी नेपाल, बहुजन समाज पार्टी नेपाल, सङ्घीय विकासवादी पार्टी, नेपाल, अखण्डसुदूरपश्चिम पार्टी नेपाल, नेपाल लोकतान्त्रिक पार्टी रहेको छ ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com