लुम्बिनी प्रदेशसभामा अन्तत भागबण्डामै चयन भए बिषयगत समितिका सभापति
प्रकाशित मिति : बैशाख ५, २०८१ बुधबार
लुम्बिनी प्रदेश सभाका ७ वटा संसदीय समितिले नेतृत्व पाएको छ । जेष्ठ सदस्यकाभरमा चलिरहेका समितिमा नेतृत्व चयनका लागि सम्पन्न निर्बाचन प्रकृयाबाट सभापति सर्वसम्मत चयन भएका हुन । ६ विषयगत समिति र एक विषेशाधिकार समिति गरी ७ वटै समितिमा एकल उम्मेदवारी परेपछि संसदीय समितिले १७ महिनापछि नेतृत्व पाएको हो ।
दलहरूबीच एमालेले विशेष अधिकारसहित ३ वटा समिति, प्रमुख प्रतिपक्षी दल कांग्रेसले २ वटा समिति र नेकपा माओवादी केन्द्रले २ वटा समितिको नेतृत्व गर्ने सहमति भएपछि अन्तत भागबण्डा मै नेतृत्व चयन भएको हो ।
लुम्बिनी प्रदेशसभा सचिव दुर्लभकुमार पुनका अनुसार विशेष अधिकार समितीमा गिरीधारीलाल न्यौपाने , प्रदेश मामिला तथा कानुन समितिमा दिलकुमारी बुढा, सामाजिक विकास समितिमा यमबहादुर नेपाली, कृषि, वन तथा वातावरण समितिमा विश्वप्रेम पाठक, भौतिक पूर्वाधार विकास समितिमा रामजीप्रसाद घिमिरे, अर्थ, उद्योग तथा पर्यटन समितिमा राजुप्रसाद श्रेष्ठ, सार्वजनिक लेखा समितिमा माया पुन सभापतिमा निर्बाचित हुनु भएको हो ।
समितिमा रहने सदस्यहरुको गत असार ३० गते नै टुंगो लगाए पनि ति समितिले सभापति पाउन भने १७ महिना कुर्नु परेको छ । भागबण्डामै भएपनि लामो समयदेखि नेतृत्वबिहिन रहेका समितिका सभापति चयन हुनु सुखद नै भएको नेपाली कांग्रेस प्रदेशसभाका सचेतक निमा गिरीले बताउनु भयो ।
मिनी संसदको रुपमा हेरीने बिषयगत समितिहरु नेतृत्वबिहिन हुदा प्रदेशसभा सदस्यहरु बिजनेस नपाएका जस्तै हुनुपरेको थियो । २०७९ मंसिर ४ गते चुनाव भएपछि लुम्बिनी प्रदेशमा ३ जना मुख्यमन्त्रीले कार्यभार सम्हालिसकेका छन ।
छोटो कार्यकाल एमालेका लिला गिरीले मुख्यमन्त्रीको कार्यभार सम्हाल्नु भयो । त्यसपछि मुख्यमन्त्री बन्नुभएका नेपाली कांग्रेसका डिल्लीबहादुर चौधरीलाई बिस्थापित गरी माओवादी केन्द्रका जोखबहादुर महरा मुख्यमन्त्री बन्नुभएको छ ।