सिड्नीको व्यस्त मलमा चक्कुप्रहारबाट ६ को हत्या, प्रहरीको गोलीबाट आक्रमणकारीको पनि मृत्यु
प्रकाशित मिति : बैशाख १, २०८१ शनिबार
Police and paramedics work outside the Westfield Bondi Junction shopping mall after a stabbing incident in Sydney on April 13, 2024. Australian police on April 13 said they had received reports that “multiple people” were stabbed at a busy shopping centre in Sydney. (Photo by David GRAY / AFP)
सिड्नीको एक मलमा एक आक्रमणकारीले चक्कु प्रहार गर्दा ६ जनाको मृत्यु भएको छ । आक्रमणकारीलाई शनिबार बोण्डाई क्षेत्रमा प्रहरीले गोली हानी मारेको छ । चक्कु प्रहारको घटनापछि घटनास्थलबाट सयौंको भागदौड मच्चिएको थियो ।
आक्रमणकारीले व्यस्त वेस्टफिल्ड बोण्डाई जंक्शन शपिंग सेन्टरमा चक्कु आक्रमण गरेपछि एक प्रहरी अधिकारीले गोली हानेका थिए । मारिएका छ जना मध्ये पाँच जना महिला थिए । छुरा प्रहारबाट घाइते नौ महिनाको बच्चा सहित आठ जनालाई अस्पताल लगिएको न्यू साउथ वेल्स प्रहरीले जनाएको छ ।
प्रहरीले आक्रमण आतंकवादसँग सम्बन्धित भएको विश्वास गरेको छैन । प्रधानमन्त्री एन्थोनी अल्बानीजले उक्त व्यक्तिको मनसायको बारेमा अहिलेसम्म कुनै संकेत प्राप्त नभएको बताएका छन् । लगभग २६ मिलियन जनसंख्या भएको देश अष्ट्रेलियामा बन्दुक र चक्कुबारे संसारको सबैभन्दा कडा कानूनहरू । त्यसैले शनिबारका जस्ता घटना त्यहाँ दुर्लभ मानिन्छन् ।
सामूहिक छुरा प्रहारको घटनाबाट पोप फ्रान्सिस दुःखी भएको भ्याटिकनले जारी गरेको विज्ञप्तिमा उल्लेख छ। उनले त्रासदीबाट प्रभावित सबैलाई आफ्नो आध्यात्मिक समिपता पठाउदै मृतक, घाइतेहरू र सुरक्षाकर्मीहरुका लागि प्राथना गरेका छन् ।
बेलायतका राजा चार्ल्स तृतीयले पनि घटनाबाट आफू स्तब्ध र भयभीत भएको बताएका छन् । बकिङ्घम प्यालेसले जारी गरेको विज्ञप्तिमा भनिएको मूर्खतापूर्ण हमलामा निर्ममतापूर्वक मारिएकाहरूको परिवार र प्रियजनहरूप्रति समवेदना व्यक्त गरिएको छ ।
बेलायतका राजा चार्ल्स तृतीयले पनि घटनाबाट आफू स्तब्ध र भयभीत भएको बताएका छन् । बकिङ्घम प्यालेसले जारी गरेको विज्ञप्तिमा भनिएको मूर्खतापूर्ण हमलामा निर्ममतापूर्वक मारिएकाहरूको परिवार र प्रियजनहरूप्रति समवेदना व्यक्त गरिएको छ ।
