न्युयोर्कमा सांस्कृतिक केन्द्र बनाउन चौथो दिनका दाता
प्रकाशित मिति : भाद्र ११, २०७४ आईतबार
न्युयोर्कमा सांस्कृतिक केन्द्र बनाउन सत्यनारायण मन्दिरमा जारी महापुराणको चौथो दिन ५० जना दाताहरुले झण्डै १ लाख १४ हजार डोनेशनको घोषणा गरेका छन् । चौथो दिनका दातामा कानुन व्यवसायी रमेश श्रेष्ठ र उनकी पत्नी आभा श्रेष्ठले सबैभन्दा धेरै २० हजार १ सय ११ डलर प्रदान गर्ने घोषणा गरेका छन् । श्रेष्ठ दुर्गा मन्दिर र सांस्कृतिक केन्द्रका डायमण्ड ट्रस्टी हुने भएका छन् ।
त्यस्तै जनक खत्री र भगवती खत्रीले ९ हजार ७ सय १५ डलर प्रदान गर्ने घोषणा गरेका छन् । उनीहरुले सन् २०१० को महापुराणमा ५ हजार ८ सय ४० डलर दान घोषणा गरेका थिए । कुल १५ हजार ५ सय ५५ डलर दान गरेका उनीहरु गोल्डेन ट्रस्टी हुने भएका छन् । त्यस्तै पिताम्बर भुसाल र संगिता भुसालले १० हजार १ डलर दानको घोषणा गरेर गोल्डेन ट्रस्टी हुने भएका छन् ।
चौथो दिन सबैभन्दा धेरै दान गर्नेहरुमा चौथो नम्बरमा लोकनाथ तिवारी छन् । उनले ५ हजार ५ सय ५५ डलर दानको घोषणा गरेका छन् । उनले सन् २०१० को महापुराणमा ११ सय १ डलर दानको घोषणा गरेका थिए । यसरी कुल ६ हजार ६ सय ५६ डलर दानको घोषणा गरेका तिवारी दुर्गा मन्दिर तथा सांस्कृतिक केन्द्रका सिल्भर ट्रस्टी हुने भएका छन् ।
