एकै परिवारका ३ जनाको ज्यान जानेगरी कसरी करेन्ट लाग्यो होला ?
प्रकाशित मिति : चैत्र १०, २०८० शनिबार
करेन्ट लागेर दाङमा एकै परिवारका ३ जनाको मृत्यु भएको छ । प्रहरीका अनुसार राप्ती गाउँपालिका ३ मसुरियास्थित विद्युतको तार चुँडिएर करेन्ट लागेपछि एकै परिवारका ३ जनाको मृत्यु भएको हो ।
इलाका प्रहरी कार्यालय भालुबाङका अनुसार शनिवार २ जनाको घटनास्थलमा र १ जनाको उपचारको क्रममा बुटवलमा मृत्यु भएको हो । ५५ वर्षीय दिलसरा केसी र उहाँका ४ वर्षीय नाति ईश्वर केसीको घटनास्थलमा मृत्यु भयो भने ६० वर्षीय हजुरबुवा गोरखबहादुर केसीको बुटवलमा उपचारको क्रममा मृत्यु भएको हो ।
घरको आँगनमा हजुरआमा र नाति उभिएको अवस्थामा एक्कासी बिजुलीको तार चुँडिएर करेन्ट लागेपछि घटना भएको हो । नातिलाई करेन्टबाट छुटाउने क्रममा हजुर आमालाई करेन्ट लागेको, नाति र श्रीमतीलाई करेन्टबाट छुटाउने क्रममा ६० वर्षीय गोरखबहादुर केसीलाई पनि करेन्ट लागेको स्थानीयले बताएका छन् ।