फेसबुक, इन्स्टाग्राम, मेसेन्जर लगायत मेटाका एपहरुमा समस्या
प्रकाशित मिति : फाल्गुन २२, २०८० मंगलबार
आज विहान फेसबुक, इन्स्टाग्राम, मेसेन्जर, थ्रेड्स लगायत मेटाका एपहरुमा झण्डै एक घण्टा समस्या आयो । ती एप्लीकेशनहरु अचानक बन्द वा लग आउट भए ।
कतिपय प्रयोगकर्ताहरु आफ्ना फेसबुक लगायतका सामाजिक सञ्जाल ह्याक भएको हुनसक्ने भन्दै आत्तिएपनि यस्तो समस्या विश्वब्यापी रुपमा देखिएको थियो ।
मेटाले अवरोध आएको स्वीकार गरेको छ । साथै समस्या समाधान भइसकेको पनि जानकारी दिएको छ ।
We’re aware people are having trouble accessing our services. We are working on this now.
— Andy Stone (@andymstone) March 5, 2024
विश्वभरि लाखौं प्रयोगकर्ताहरूले आउटेज रिपोर्ट गरेका थिए । । आउटेजहरू ट्र्याक गर्ने वेवसाइट डाउन डिटेक्टरका अनुशार साढे ५ लाख भन्दा बढी प्रयोगकर्ताहरूले फेसबुकमा आउटेज रिपोर्ट गरे । लगभग ५५ हजार इन्स्टाग्राम प्रयोगकर्ता र ९ हजार मेसेन्जर प्रयोगकर्ताहरूले पनि आउटेज रिपोर्ट गरे । आउटेज न्युयोर्क समय अनुशार विहान १० बजेपछि सुरु भएको थियो ।