न्युयोर्कको क्वीन्सका दुईवटा कलेजमा बमको धम्की, विद्यार्थीहरु कलेज छाड्न बाध्य
प्रकाशित मिति : फाल्गुन १०, २०८० बिहीबार
![](https://i0.wp.com/www.khasokhas.com/wp-content/uploads/2024/02/Academic-Core-Building-Guy-Brewer-Blvd.jpg?fit=1141%2C852&ssl=1)
सिटी युनिभर्सिटी अफ न्युयोर्क अन्तरगतका दुई कलेजहरु बिहीबार दिउँसो विश्वसनीय बमको धम्कीपछि खाली गराइएको प्रहरीले जनाएको छ । योर्क र क्वीन्स कलेजमा आएको धम्कीपछि ती कलेजहरु खाली गराइएको हो । जमैका र फ्लशिंग नजिकका दुबै कलेजहरूमा दिउसो १२ बजेर ५० मिनेटमा इमेलबाट धम्की प्राप्त भएको थियो ।
प्रहरीको आपतकालीन सेवा इकाई क्याम्पसहरूमा पुगेपछि विद्यार्थीहरूलाई खाली गराउन भनिएको थियो । कलेजहरुमा कुनै पनि विष्फोटक पदार्थहरु फेला नपरेको जनाइएको छ । प्रहरीले दुबै कलेजहरु साढे २ बजेसम्म जाँच गरिसकेको थियो।
![](https://i0.wp.com/www.khasokhas.com/wp-content/uploads/2024/02/York_College.jpg?resize=720%2C720&ssl=1)
तर दुबै कलेजहरूले अझै पनि विद्यार्थीहरूलाई क्याम्पसमा नफर्कन सुझाव दिएका थिए । क्वीन्स कलेजमा सबै कक्षाहरू पौने ३ बजेसम्म अनलाइन संचालन गरिएको विद्यार्थी र कर्मचारीहरूलाई जारी गरिएको सूचनामा जनाइएको थियो ।
सतर्कताका लागि क्याम्पस समुदायलाई दिनको बाँकी समयको लागि अनलाइनबाट काम गर्न र अनलाइन कक्षाहरूमा उपस्थित हुन सल्लाह दिइएको थियो । सबै कक्षा र सेवाहरू भोलि समय तालिकामा सुचारु हुनेछन्।
![](https://i0.wp.com/www.khasokhas.com/wp-content/uploads/2024/02/The_Quad_Faisal2.jpg?resize=720%2C540&ssl=1)
योर्क कलेजमा अनलाइन कक्षाहरू दिउँसो सबा १ बजेबाट सुरु भएका थिए । सबै क्याम्पस भवनहरू बन्द गरिएको थियो । क्याम्पस बन्दले आजका परीक्षा पुनः तालिकाबद्ध गर्नुपरेको थियो ।
कलेका अधिकारीहरूलाई प्राप्त धम्की अज्ञात व्यक्तिबाट आएको थियो । त्यसैले बम नभएको सुनिश्चित गर्न सावधानी अपनाइएको प्रहरीको भनाई छ । क्वीन्स बरोका प्रेसिडेण्ट डोनोभान रिचर्ड्सले बमको धम्कीको निन्दा गरेका छन् ।