लुम्बिनीमा अन्तर्राष्ट्रिय त्रिपिटक वाचन हुदै , एशियाली देशका भिक्षु, धर्मगुरु, अनुयायीको सहभागीता रहने
प्रकाशित मिति : फाल्गुन ७, २०८० सोमबार
लुम्बिनीमा अन्तर्राष्ट्रिय त्रिपिटक वाचन हुने भएको छ । गौतमबुद्धले ४५ वर्षसम्म निरन्तर प्रदान गरेको ज्ञान एवं धर्म देशनाको संग्रहित ग्रन्थ त्रिपिटक हो । त्रिपिटक वाचनको यो तेस्रो श्रृङखला हो ।
सम्राट अशोकको पालामा दोस्रो शताब्दी ईशापूर्वमा लेखिएको विनय पिटक , अपि धम्म शुत्र पिटक, र शुत्त पिटक गरी तीन ग्रन्थलाई मिलाइ बनाइएको ग्रन्थलाई नै त्रिपिटक भनिन्छ । बुद्ध जन्मस्थल लुम्बिनीमा अखिल नेपाल भिक्षु महासंघको आयोजनामा फागुन २०, २१ र २२ गते लुम्बिनीस्थित मायादेवी मन्दिर परिसरमा त्रिपिटक पाठ वाचन हुने भएको हो ।
उक्त कार्यक्रममा बुद्ध वचनको संग्रह त्रिपिटक अन्तर्गतका विनय पिटक, सुत्र पिटक र अभिधर्म पिटकको वाचन हुनेछ । आयोजकका अनुसार पर्यटन प्रर्वद्धन गर्ने र अन्तर्राष्ट्रियस्तरमै बुद्ध जन्मस्थललाई थप प्रचारप्रसार गर्ने उद्देश्यले बुद्ध जन्मस्थलमा तेस्रोपटक अन्तर्राष्ट्रिय त्रिपिटक पाठ हुन लागेको हो ।
लुम्बिनी विकास कोषका सदस्य सचिव सानुराजा शाक्यले बौद्ध दर्शनमा त्रिपिटकको विशिष्ट महत्व रहेकाले लुम्बिनीमा हुने यस कार्यक्रमले बुद्ध दर्शन र लुम्बिनीको प्रवद्र्धनमा टेवा पुर्याउने बताउनु भयो । त्रिपिटक वाचनमा नेपाल, श्रीलंका, म्यान्मार, थाइल्याण्ड, भारत, जापान,कोरियालगायत एशियाली देशका भिक्षु, धर्मगुरु, अनुयायीको सहभागीता रहने छ ।
त्रिपिटक बौद्ध धर्मको मूल ग्रन्थ हो । हिनयान, महायानलगायत सबै सम्प्रदायका बौद्ध अनुयायीले अवलम्बन गर्ने यो ग्रन्थमा बुद्धको उपदेश संग्रति छ । यो ग्रन्थ पाली भाषामा लेखिएको भएपनि धार्मिक प्रभाव अनुसार विभिन्न भाषामा अनुवाद गरिएको छ।