Follow @khasokhasmag

अब तलाक भनेर सम्बन्ध विछोड गर्न नपाइने


प्रकाशित मिति : भाद्र ६, २०७४ मंगलबार

नयाँ दिल्ली, ६ भदौ । भारतको एक उच्च अदालतले भारतीय मुस्लिम समुदायका पुरुषले विवाह र सम्बन्ध विच्छेदका सम्बन्धमा गर्ने गरेको एक विवादास्पद निर्णयलाई खारेज गरिदिएको छ ।

यस समुदायका पुरुषले तीन पटकसम्म तलाक शब्द प्रयोग गरेपछि आफ्नी श्रीमतीसँग अलग हुने र सम्बन्ध विच्छेद नै गर्न पाउने धार्मिक मान्यता रही आएको थियो ।

यसलाई उनीहरुले कानुनी मान्यताकै रुपमा पनि अभ्यास गर्दै आएका थिए । तर आज उक्त प्रावधानलाई अदालतले खारेज गरिदिएको छ ।

भारतीय सर्वाेच्च अदालतको आजको इजलासले यसरी तीन पटकसम्म तलाक गरेर श्रीमतीलाई तुरुन्तै सम्बन्ध विच्छेद गर्न पाउने गरी गरिएको यो अभ्यास धार्मिक हिसाबले गरिएको पनि होइन र यसले भारतीय संविधानको पनि उल्लङ्घन गरेको फैसला सुनाएको छ ।

आजको उक्त फैसलामा पाँच न्यायाधीश थिए । ती पाँच न्यायाधीश हिन्दू, इस्लाम, सिख, क्रिश्चियन र जोरोआस्त्रानियम धर्मका रहेका थिए ।

उनीहरुले विगत लामो समयदेखि गहन अध्ययन गरी उक्त पैmसला सुनाएको बताइएको छ । उनीहरुले एकतर्फी रुपमा पुरुषले मात्र सम्बन्ध विच्छेद गर्न पाउने गरी गरिएको यो अभ्यासले महिलामाथि हिंसा नै गरेको ठहर गरेको छ ।

उक्त फैसलामा भनिएको छ– पाप के हो भन्ने धार्मिक आश्थामा लेखिएका वा भएका कुरा कानुनको आँखामा मान्य नहुन पनि सक्छन् ।

विवादास्पद निर्णयलाई उच्च अदालतले गरेको खारेजलाई एक ऐतिहासिक निर्णय भएको भारतीय प्रधानमन्त्री नरेन्द्र मोदी ट्वीटरमार्फत बताउनु भएको छ । उहाँ गर्नु भएको ट्वीटमा ट्रिपल तलाक सम्बन्धि यो फैसला ऐतिहासिक भएको बताउनु भएको छ ।

यसले फैसलाले मुस्लिम महिलाहलाई समानताको अधिकार दिएको र महिला सशक्तिकरणको दिशातर्फ यो मजबूत कदम भएको पनि मोदीले बताउनु भएको छ । रासस

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com