विदेशमा रहेका सम्बन्धित कम्पनीबाट अमेरिकामा रहेको कम्पनीमा अस्थायी कामदार ल्याउनेबारे अपडेट
प्रकाशित मिति : कार्तिक ३, २०८० शुक्रबार
अमेरिकामा अन्तरकम्पनी ट्रान्सफर कामदार भिसा एल वानबारे युएससीआईएसले आफ्नो नीति स्पष्ट पारेको छ । युएससीआईएसले नीति म्यानुअलमा नीति निर्देशन जारी गर्दै एकल स्वामित्व भएको कम्पनी मालिकबाट अलग र अलग कानूनी संस्थाको रूपमा अवस्थित नहुने भएकाले मालिकको तर्फबाट याचिका दायर गर्न नसक्ने स्पष्ट पारेको छ ।
नीति म्यानुअल अपडेटले अवस्थित मार्गदर्शनलाई नै स्पष्ट पारेको हो । जसमा एउटामात्र मालिक भएको कर्पोरेशन वा एलएलसीका रुपमा रहेको सेल्फ इन्कर्पोरेटेड कम्पनी र एकल स्वामित्व भएको याचिकाकर्ताको फरक स्पष्ट पारिएको छ । जहाँ एउटामात्र मालिक भएको कर्पोरेशन वा एलएलसीले भने यसको मालिकबाट अलग र फरक कानूनी संस्था भएको उल्लेख गर्दै त्यस्ता कम्पनीले मालिकका लागि समेत याचिका दायर गर्न सक्ने जनाइएको छ ।
यस अपडेटले ब्लांकेट याचिकाहरू सम्बन्धी मार्गदर्शनलाई पनि स्पष्ट गरेको छ । अन्तर्राष्ट्रिय संस्थाहरूले याचिकामा नाम दिइएको सबै व्यक्तिगत संस्थाहरूको तर्फबाट ब्ल्यान्केट याचिकाहरू फाइल गर्छन्। युएससीआईएसले ब्ल्यान्केट पिटिशनको म्याद थपका लागि समयमै फाइल गर्न नसक्दा अर्को ब्ल्यान्केट पिटिशन दाखिल गर्न ३ वर्ष कुर्न नपर्ने स्पष्ट गर्न नीति निर्देशन अद्यावधिक गरेको छ ।
नीति म्यानुअलको भोल्युम २ मा समावेश गरिएको यो निर्देशन तुरुन्तै प्रभावकारी हुनेछ । नीति म्यानुअलमा निहित मार्गदर्शनले विषयसँग सम्बन्धित कुनै पनि पूर्व निर्देशनलाई नियन्त्रण गर्ने र हटाउने जनाइएको छ ।
एल वान नामको गैरआप्रवासी भिसाले एक अमेरिकी रोजगारदातालाई आफ्नो विदेशमा रहेका कार्यालयका वा सम्बन्धित संस्थाका कर्मचारीहरूलाई सम्बन्धित विदेशी कार्यालयहरूबाट अमेरिकामा अस्थायी रुपमा स्थानान्तरण गर्न अनुमति दिन्छ । अवस्थित नीति र अभ्यासमा एकल स्वामित्वको कम्पनीले यसको मालिकको तर्फबाट एल वान याचिका दायर गर्न नसक्ने उल्लेख छ ।