चिनियाँ राष्ट्रपतिको नेपाल भ्रमण स्थगित
प्रकाशित मिति : भाद्र २२, २०७३ बुधबार
अर्को महिना हुने भनिएको चिनियाँ राष्ट्रपति सी जिङपिङको नेपाल यात्रा स्थगित भएको छ । त्यो आशयको निर्णय हालै चिनियाँ राजदूत ऊ चुन्ताईले तीन दिन पहिले नेपालका उच्च नेतृत्वलाई अवगत गराएका छन् ।
चीनले नेपालको तर्फबाट भ्रमण सम्बन्धमा आवश्यक तयारी नगरिएको र चीनसँग नजिकिँदै गएको नेपालसम्बन्धप्रति नयाँ सरकारले प्रतिबद्धता नदेखाएको उसको बुझाइसमेत अवगत गराएको थियो । अब चिनियाँ राष्ट्रपति सी २०१६ भित्र नेपाल आउने सम्भावना टरेको अन्नपूर्ण पोस्टमा खबर छ ।
‘चिनियाँ राष्ट्रपतिको भ्रमण स्थगित भएको अनौपचारिक जानकारी आएको छ,’ एक उच्च सरकारी अधिकारीले भने । यसैबीच प्रधानमन्त्री पुष्पकमल दाहाल निकट स्रोतले चिनियाँ राष्ट्रपतिको भ्रमण स्थगित भएको सम्बन्धमा अनौपचारिक जानकारी आएको पुष्टी गरेको छ ।