Follow @khasokhasmag

तीज नमनाएर न्युयोर्क निवासी पराजुलीबाट बाढीपीडितलाई १ लाख


प्रकाशित मिति : श्रावण २९, २०७४ आईतबार

नेपालमा बाढीपहिरोले विनास निम्त्याइरहेका वेला गैरआवासीय नेपालीहरूको संगठन गैर आवासीय नेपाली संघ (एनआरएनए) ले स्थापना गरेको आपतकालीन राहत कोषमा न्युयोर्क निवासी राजुदेवी पराजुलीले एकलाख रुपैया सहयोग गर्नुभएको छ ।

हरेक बर्षजस्तै आगामी शनिबार मनाउन लागिएको तीजको कार्यक्रम स्थगित गरेर उहाँले सो रकम बाढीपीडितलाई सहयोग गर्ने निर्णय गर्नुभएको हो । आफ्नै निवासमा तीज कार्यक्रम गर्ने योजना रहेपनि नेपालीहरु प्राकृतिक बिपत्तिमा फसेको बेला नाचगान गर्नु उपयुक्त नलागेकाले सो रकम राहत कोषमा दिने निर्णय गरेको उहाँले जानकारी दिनुभयो ।

उहाँले भन्नुभयो नाचगान त सधै गरिएकै छ । पछि पनि गरौंला । तर नेपालबाट आएका खबरले निकै मन कुडियो । त्यसैले सानो भएपनि सहयोग गरौं भन्ने लागेर यो निर्णय गरेका हौं ।

राजुदेवी पराजुली एनआरएन नेता तथा न्युयोर्कका चर्चित सामाजिक व्यक्तित्व श्री पराजुलीकी धर्मपत्नी हुनुहुन्छ । उहाँले विदेशमा रहेका अरु नेपालीहरुलाई पनि बाढीपीडितलाई सहयोग गर्न अनुरोध गर्नुभएको छ ।

एनआरएन राहत कोषमा अहिले झण्डै १ करोड भन्दा धेरै संकलन भइसकेको जनाइएको छ । आवश्यक राहत सामाग्री खरिद गरी तत्कालै वितरणमा खटिने एनआरएनएले जनाएको छ ।

राजुदेवी पराजुली श्रीमान् श्री पराजुलीका साथमा ।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com