भारतीय फिल्म प्रदर्शन नरोक्न अन्तरिम आदेश, आदेश नमान्ने मेयर बालेनको चुनौति
प्रकाशित मिति : असार ७, २०८० बिहीबार
काठमाडौंका हलहरुमा भारतीय फिल्म नरोक्न उच्च अदालत पाटनले अल्पकालीन अन्तरिम आदेश जारी गरेको छ।न्यायाधीश धिरबहादुर चन्दको एकल इजलासले रिटमाथि सुनुवाइ गर्दै बिहीबार अल्पकालीन अन्तरिम आदेश दिएको हो।
‘आदिपुरुष’ फिल्मको विषयलाई लिएर काठमाडौं महानगरका मेयर बालेन्द्र शाहले महानगरभित्रका हलहरुमा सबै हिन्दी फिल्महरुलाई प्रतिबन्ध लगाएपछि नेपाल चलचित्र संघले बुधबार रिट दायर गरेका थियो।
तर अदालतको आदेश नमान्ने काठमाडौं महानगरपालिकाका मेयर बालेन शाहले चेतावनी दिएका छन् । अदालतको आदेश आए लगत्तै उनले अदालतले जेसुकै आदेश दिए पनि फिल्मवालाई आदिपुरुषको संवाद नसच्याएसम्म र माफी नमागेसम्म हिन्दी फिल्म चल्न नदिने अडान दोहराएका छन् ।
बालेनले सामाजिक सञ्जालमा लेखेका छन्, ‘जहाँ सवाल देशको सार्वभौमिकता र स्वाधीनताको आउँछ म कुनै कानुन र अदालतलाई मान्नेवाला छैन । फिल्म लेखकले नेपाल भारतको अधिनमा थियो भनिसकेपछि उनीहरुको नियत थाहा हुन्छ । यो कुरालाई नेपाल सरकारले स्टन्ट भन्नु र अदालतले फिल्म चल्न दिनु भनेको नेपाल भारतको अधिनमा थियो, अदालत र सरकार भारत को गुलाम भएको बुझिन्छ । यसको लागि जुनसुकै सजाय भोग्न तयार छु तर फिल्म चल्दैन र चल्न दिइनेछैन ।’
[media-credit id=”137″ align=”center” width=”1080″]
[/media-credit]