Follow @khasokhasmag

आरसी र डीआरसीले समन्वय नगरेको भन्दै बन्दिताको घलेलाई पहिलो पत्र


प्रकाशित मिति : श्रावण २५, २०७४ बुधबार

एनआरएन आईसीसीका तर्फबाट अमेरिका क्षेत्रका लागि आरसी र डिआरसीले समन्वयन नगरेको भन्दै एनआरएन अमेरिकाकी प्रमुख निर्वाचन आयुक्त बन्दिता शर्मा दाहालले एनआरएन आईसीसी अध्यक्ष शेष घलेलाई पत्र लेखेकी छिन् । प्रमुख निर्वाचन आयुक्तको हैसियतबाट दाहालले घलेलाई पत्र लेखेको यो पहिलो पटक हो ।

एनआरएन अमेरिकाको अध्यक्षमा गौरी जोशीको उम्मेदवारीको विषयलाई लिएर दाहालले घलेलाई पत्र लेखेकी हुन् । जोशीले आफ्नो उम्मेदवारीका पक्षमा विभिन्न आधिकारिक कागजातहरु पेश गरेका तथा महासचिव बद्री केसीले जोशी उम्मेदवारीका लागि योग्य भएको कागजात पठाएकोमा ती कागजातहरु निर्वाचन आयोगले स्वीकार गर्न लागेको बेला महासचिवको पत्रबारे अनुसन्धान भइरहेको ब्यहोराको घलेको पत्र प्राप्त भएको बन्दिता शर्मा दाहालले पत्रमा जनाएकी छिन् ।

गौरी जोशीको उम्मेदवारीबारे छलफलका लागि तीन सदस्यीय टिम बनाइएको, त्यो टिमले आफ्नो निर्णय निर्वाचन आयोगलाई पठाउन भन्दै आरसी र डिआरसीलाई पठाइसकेको भएपनि आफूलाई आरसी र डिआरसीले यो सन्दर्भमा कुनै सम्पर्क नगरेको बन्दिता शर्मा दाहालले घलेलाई लेखेको पत्रमा उल्लेख छ । आरसी र डिआरसीको भुमिका केन्द्र, क्षेत्र र एनआरएन एनसीसीबीच पुल र समन्वयको हुनुपर्ने भएपनि आफूले आरसी र डिआरसीबाट ती पत्रहरु प्राप्त नगर्नुको कारणबारे जान्न चाहेको प्रमुख निर्वाचन आयुक्त दाहालको भनाई छ । सामान्य अवस्थामा भएको भए आफूले आरसी र डिआरसीलाई बाइपास गरेर पत्र नलेख्ने तर विषयबस्तु उनीहरुकै सन्दर्भमा भएका कारण आफूले अध्यक्ष घलेलाई सिधा पत्र लेख्नुपरेको पनि दाहालले पत्रमा उल्लेख गरेकी छिन् ।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com