आजदेखि अमेरिका आउँदा कोभिड खोपको प्रमाण नचाहिने
प्रकाशित मिति : बैशाख २८, २०८० बिहीबार
Photo by Jernej Furman, licensed under Attribution 2.0 Generic (CC BY 2.0). Title: Hand holding a COVID-19 vaccination record card against a blue background. Retrieved from https://www.flickr.com/photos/91261194@N06/51021866706
आजदेखि अन्तर्राष्ट्रिय हवाई यात्रुहरूले अमेरिका आइपुग्दा कोभिड खोपको प्रमाण देखाउनु नपर्ने ह्वाइट हाउसले जनाएको छ । देशमा कोरोनाभाइरस सार्वजनिक स्वास्थ्य आपतकालको अन्त्यसँगै अमेरिकाले मे ११ बाट खोपको आवश्यकता हटाउने भएको हो ।
हवाई, स्थल र फेरीबाट अमेरिका प्रवेश गर्ने गैर अमेरिकी यात्रुहरुका लागि पनि खोपको प्रमाण देखाउनुपर्नेछैन । एक विज्ञप्तिमा व्हाइट हाउसले अमेरिका अब फरक चरणमा रहेकाले यी उपायहरू आवश्यक नभएको बताएको छ ।
यो परिवर्तनले सर्बियाली टेनिस स्टार नोभाक जोकोभिचलाई यो वर्ष यूएस ओपन खेल्न अनुमति दिनेछ। २२ पटकको ग्रान्ड स्लाम विजेतालाई खोप नलगाएका कारण उनी गत वर्षको प्रतियोगिता गुमाउन बाध्य भएका थिए।
उनले सन् २०२२ मा अस्ट्रेलियन ओपनमा यस्तै समस्याहरूको सामना गरे का थिए । उनलाई उपाधि रक्षा गर्ने मौका पाउनु अघि उनको खोप स्थितिको कारण निर्वासन गरिएको थियो ।
न्यूयोर्क राज्यको बफेलो र नियाग्रा फल्सको प्रतिनिधित्व गर्ने प्रतिनिधि ब्रायन हिगिन्सले अमेरिका प्रवेश गर्ने क्यानाडालीहरूका लागि यो राम्रो समाचार बताएको बताएका छन् ।
गत महिना राष्ट्रपति जो बाइडेनले कोविड १९ सम्बन्धित राष्ट्रिय आपतकालिन अवस्था अन्त्य गर्ने विधेयकमा हस्ताक्षर गरेका थिए । जसले अमेरिकालाई भाइरसप्रति देशको प्रतिक्रिया विरूद्ध लड्न स्वास्थ्य र कल्याण प्रणालीमा व्यापक उपायहरू लागू गर्न अनुमति दिएको थियो ।
क्यानडाले अक्टोबरमा अन्तर्राष्ट्रिय हवाई यात्रुहरूका लागि कोविड १९ खोप आवश्यकताहरू समाप्त गरेको थियो ।