कान समातेर उठबस गर्दा दिमाग तेज हुने
प्रकाशित मिति : चैत्र २४, २०७९ शुक्रबार
Photo by meo on Pexels.com
कान समातेर दैनिक तीन मिनेटमात्र उठबस गर्दा दिमाग तेजिलो हुने साथै अटिजम भएका बालबालिकाको लागि समेत निकै फलदायी हुने पुष्टी भएको छ । दाया हातले बायाँ कानको लोती र बायाँ हातले दायाँ कानको लोती समातेर उठबस गर्ने अभ्यासलाई सुपर ब्रेन योगाको नाम दिइएको छ ।
इन्टरनेशनल जर्नल अफ साइन्स एन्ड कन्सियसनेसमा प्रकाशित एक अध्ययनका अनुसार यो एक प्रकारको व्यायाम हो जसले मस्तिष्कको संज्ञानात्मक कार्य र यसको विकासलाई सुधार गर्न सिद्ध हुन्छ जब बच्चाहरूले क्रस तरिकाले कान समातेर उठबस गर्छन्।
यो स्मरणशक्ति सुधार गर्न मस्तिष्क को लागी एक व्यायाम हो। नेपाल र भारतको पुरातन दिनहरूमा यो अभ्यास विद्यार्थीहरूलाई गल्ती गर्दा सजायको रूपमा निर्धारित गरिन्थ्यो। वैदिक संस्कृतिमा, विद्यार्थीहरूलाई दण्ड दिइन्थ्यो जसले अन्ततः उनीहरूको शारीरिक र मनोवैज्ञानिक विकासमा फाइदा पुर्याउँछ।
जिब्रोलाई मुखभित्रको माथिल्लो भागतिर फर्काएर, दायाँ हातले बायाँ र बाँया हातले दायाँ कान समातेर हरेक दिन १५ देखी २० पटकसम्म उठबस गरेर यो योगा गर्न सकिन्छ । यो योगा गर्ने क्रममा बस्दा स्वास लिने र उभिदा स्वास बाहिर फ्याक्ने गर्नुपर्छ । यो योगा गर्दा दिमाग तेजिलो हुनुका साथै केन्द्रीकरण क्षमता बृद्धि हुने विश्वास गरिएको छ ।
यसरी योगा गर्दा स्मरण शक्ति गुमाउने, पागलपन, अल्जाइमर जस्ता रोग लाग्नबाट बच्न सकिने साथै मानसिक शक्ति बृद्धि हुने, निर्णय क्षमता बढ्ने र ध्यान केन्द्रीत गर्नमा मद्दत पुग्ने बताइएको छ ।
युुनिभर्सिटी अफ क्यालिफोर्नियाका डाक्टर जोइ जोन्सले यसबारेमा अनुसन्धान गरेका थिए । उनले पनि यो योगा दिमाग तेजिलो बनाउन फाइदाजनक रहेको निष्कर्ष निकालेका छन् । तर यो योगा गर्दा जवानले पूर्वतिर र बृद्ध उमेरकाले उत्तरतिर फर्केर गर्न सुझाव दिइएको छ । अमेरिकाका केही चिकित्सकहरुले पनि यस्तो अभ्यासका लागि आफ्ना बिरामीहरुलाई परामर्श दिदै आएका छन् । अपांगता भएका बालबालिकाको रेखदेख गर्ने स्थानहरुमा पनि यो अभ्यास गरिन थालिएको छ ।