आइसिसि लिग-२ क्रिकेट खेल्न सन्दीप लामिछाने युएई प्रस्थान
प्रकाशित मिति : फाल्गुन १७, २०७९ बुधबार
सन्दीप लामिछाने आइसिसि लिग २ क्रिकेट खेल्न युएई प्रस्थान गरेका छन् । नेपाल क्रिकेट संघ (क्यान)का कोषाध्यक्ष रोशनकुमार सिंहका साथमा आज दिउँसो प्रस्थान गरेका हुन् । नेपालले भोलि आफ्नो दोस्रो म्याच आयोजक यूएईसँग खेल्दैछ । सो म्याचमा सन्दीप सहभागी हुन सक्ने भएका छन् । टीममा रहेका अर्का स्पिनर मौसम ढकाल घाइते भएपछि क्यानले उनको स्थानमा सन्दीपलाई प्रतिस्थापन गरेको हो ।
सन्दीपलाई टिममा समावेश गर्न आइसीसीले अनुमति दिइसकेको छ । सन्दिपले बलात्कार गरेको भनेर मुद्धा चलिरहेको अवस्थामा विदेश जान नपाउने गरी धरौटीमा रिहा भएका थिए । तर सर्वोच्च अदालतले विदेश जान पाउने फैसला गरेपनि उनलाई युएइ पठाउन सम्भव भएको हो । लिग २ को त्रिकोणात्मक सिरिजमा भोलिै नेपालले घरेलु टिम युएइसँग खेल्दैछ ।
नेपाल, युएई र पपुवा न्यूगिनी (पीएनजी) सम्मिलित सिरिजको पहिलो खेलमा नेपालले पीएनजीलाई ४ विकेटले पराजित गरेको थियो । युएई भने आफ्नो पहिलो खेलमा पीएनजीसँग १ सय ३१ रनले पराजित भएको थियो । लिग–२ अन्तर्गत नेपाल र युएईले समान ३० औँ खेल खेल्दैछन् । यसअघिका २९ खेलबाट नेपालले २८ अंक जोड्दा युएईको २९ अंक छ । बिहीबारको खेलमा जित हात पार्न सके नेपाल तालिकाको शीर्ष ५ मा उक्लिनेछ ।